చనిపోవాలనుకుంటున్నానని స్నేహితుడికి కాల్‌

దోమకొండ, న్యూస్‌టుడే: దోమకొండకు చెందిన యువకుడు గోత్రాల విక్రమ్‌ తాను ఆత్మహత్య చేసుకుంటున్నానని మిత్రుడికి కాల్‌ చేశాడు. విక్రమ్‌ గురువారం సాయంత్రం తన స్నేహితుడొకరికి ఆడియో కాల్‌ చేసి.. చనిపోవాలనుకుంటున్నా.. వీడియో కాల్‌ చేయాలంటూ కోరారు. తాను గ్రామంలోని కుడి చెరువుకు వచ్చానని వీడియోకాల్‌లో చెబుతూ చెరువునీటిలోకి దిగాడు. వద్దు వస్తున్నానంటూ ఆ స్నేహితుడు చెప్పినా వినిపించుకోలేదు. చెరువు వద్దకు ఆయన వచ్చి చూడగా.. చెరువు నీటిలో చెప్పులు కనబడ్డాయి. సమాచారం తెలుసుకున్న పోలీసులు, ఎస్సై గణేశ్‌ సంఘటన స్థలానికి చేరుకున్నారు. ఈతగాళ్లతో చెరువులో వెతికించారు. రాత్రి వరకు ఆయనను గుర్తించలేకపోయారు.