ఓలీవుడ్‌ నటులతో భాజపా అభ్యర్థి ప్రచారం

ప్రచారంలో ప్రజలకు నమస్కరిస్తున్న భాజపా అభ్యర్థి కె.అనిల్‌కుమార్‌

బ్రహ్మపుర నగరం, న్యూస్‌టుడే: బ్రహ్మపుర అసెంబ్లీ భాజపా అభ్యర్థి కె.అనిల్‌కుమార్‌ గురువారం నగరంలో సాంస్కృతిక బృందాలతో భారీ ప్రచార ర్యాలీ నిర్వహించారు. నగరంలోని ప్రధాన రహదారుల్లో సాగిన ప్రచార ఊరేగింపులో దశావతారాలు, అశ్వాలు, పులి-ఆంబోతు నృత్య బృందాలు, ఘంటానాదాల కళాకారులు పాల్గొన్నారు. పలువురు ఓలీవుడ్‌ నటీనటులు పాల్గొని అభ్యర్థి అనిల్‌ను గెలిపించాలంటూ ప్రచారం చేశారు. రహదారుల్లో పలువురు స్థానికులు, వ్యాపారులు అభ్యర్థి అనిల్‌ కుమార్‌కు పూలమాలలు వేసి స్వాగతించారు.