రహదారి విస్తరణ పనులపై వినతి

డీఈకి వినతిపత్రం ఇస్తున్న గ్రామస్థులు

కలెక్టరేట్ ప్రాంగణం, న్యూస్‌టుడే: కురుపాం ప్రధాన రహదారిని నిబంధనల ప్రకారం విస్తరించాలని గ్రామస్థులు కోరారు. గురువారం పలువురు కలెక్టరేట్‌కు వెళ్లి జేసీ ఆనంద్‌, ర.భ.శాఖ డీఈ నాగమోహన్‌కు వినతిపత్రాలు ఇచ్చారు. రోడ్డుకు ఒకవైపే తవ్వకాలు చేపట్టేలా కొందరు చూస్తున్నారని ఆరోపించారు. రెండు వైపులా ఏడు మీటర్ల వరకు తొలగించి గ్రామాభివృద్ధికి సహకరించాలని జేసీని కోరారు. జేసీ మాట్లాడుతూ.. కురుపాం అన్ని విధాలా అభివృద్ధి బాటలో నడుస్తుందన్నారు. అందరూ ఏకతాటిపైకి వచ్చి ప్రభుత్వానికి సహకరించాలన్నారు. గ్రామస్థులంతా సమావేశమై ఏకగ్రీవంగా ఒప్పందం చేసుకొని ముందుకు రావాలని ర.భ.శాఖ డీఈ నాగమోహన్‌ సూచించారు.