వర్షంతో ఉపశమనం

విజయగనగరం వ్యవసాయ విభాగం, న్యూస్‌టుడే: ఎండ వేడిమితో ఉక్కిరిబిక్కిరవుతున్న ప్రజలకు మంగళవారం కురిసిన వర్షం ఉపశమనాన్ని కలిగించింది. సోమవారం రాత్రి నుంచి వర్షం ప్రారంభమైంది. జిల్లా వ్యాప్తంగా 14.50 మి.మీ సరాసరి వర్షపాతం నమోదైంది. జామి మండలంలో 37.4 మి.మీ, వేపాడ- 35.2 మి.మీ, ఎస్‌.కోట- 23.8, రాజాం- 19.4, విజయనగరం- 18.8, ఎల్‌.కోట- 18.6, మెరకముడిదాం- 18.2, భోగాపురం- 17.4, గజపతినగరం- 17.2, కొత్తవలస- 16.4, డెంకాడ- 16.4, గంట్యాడ- 15.2, బొబ్బిలి- 15.2, దత్తిరాజేరు- 12.8, నెల్లిమర్ల- 12.4, తెర్లాం- 11.6, గరివిడి- 10.8, రామభద్రపురం- 10.6, చీపురుపల్లి- 10.2, గుర్ల, సంతకవిటి, బాడంగి, మెంటాడ, బొండపల్లి, పూసపాటిరేగ, రేగిడి ఆమదాలవలస, వంగర మండలాల్లో 2 మి.మీ నుంచి 9 మి.మీ లోపు వర్షం కురిసింది.  మొక్కజొన్నకు ఎంతో ఉపయోగపడుతుందని, మామిడి పంట కోత దశలో ఉన్నందున గాలులకు రాలిపోయే ప్రమాదం ఉంటుందని, వేసవి దుక్కులు చేసుకునేందుకు ఉపకరిస్తుందని వ్యవసాయ శాస్త్రవేత్తలు తెలిపారు.