‘దివ్యాంగుల ఉసురు జగన్‌కు తగులుతుంది’

మాట్లాడుతున్న కోటీశ్వరరావు, బేబినాయన

బొబ్బిలి, న్యూస్‌టుడే: దివ్యాంగుల ఉసురు జగన్‌ ప్రభుత్వానికి తగులుతుందని రాష్ట్ర విభిన్న ప్రతిభావంతుల కార్పొరేషన్‌ మాజీ అధ్యక్షుడు గోనుగుంట కోటీశ్వరరావు అన్నారు. మంగళవారం బొబ్బిలిలో తెదేపా ఆధ్వర్యంలో జరిగిన జిల్లాస్థాయి దివ్యాంగుల సమావేశంలో మాట్లాడారు. వికలాంగుల ఇంటికి వెళ్లి పింఛను ఇవ్వకుండా సచివాలయాలు, బ్యాంకుల చుట్టూ తిప్పారని, మనోవేదన, వడదెబ్బకు గురై 30 మంది వరకు చనిపోయారని ఆరోపించారు. ఇందుకు బాధ్యులైన సీఎస్‌ జవహర్‌రెడ్డిని 48 గంటల్లో విధుల నుంచి తప్పించాలని డిమాండు చేశారు. బొబ్బిలి వికలాంగ సంఘ అధ్యక్షుడు రాంబాబు, మార్కెట్ కమిటీ మాజీ అధ్యక్షుడు పువ్వల శ్రీనివాసరావు ఆధ్వర్యంలో కార్యక్రమం జరిగింది. భాజపా నియోజకవర్గ కన్వీనర్‌ రామారావు తదితరులు పాల్గొన్నారు.