అరుదైన పాము గుర్తింపు

పాముతో రతీష్‌

ప్యారిస్‌, న్యూస్‌టుడే: కారులో గుర్తించిన అరుదైన పామును అటవీశాఖ అధికారులకు అప్పగించారు. కోయంబత్తూరు జిల్లా గౌండంపాళెయంలో ఉన్న కారు సర్వీస్‌ సెంటర్‌లో కారులో బుధవారం పాము కనిపించింది. ఈ విషయమై సర్వీస్‌ సెంటర్‌ సిబ్బంది వెంటనే స్థానికంగా ఉన్న పాముల భద్రత ఆర్గనైజేషన్‌కు చెందిన రతీష్‌కి సమాచారం ఇచ్చారు. ఘటనాస్థలికి చేరుకున్న అతను పాముని బయటకు తీశాడు. ఇది అరుదైన ఎగిరే విషపూరితమైన పాము అని తెలిపాడు. ఈ పాములు పశ్చిమ కనుమల ప్రాంతాల్లో ఉంటాయని చెప్పాడు. పామును జిల్లా అటవీశాఖ అధికారులకు అప్పగించగా వారు అడవిలో విడిచిపెట్టారు.