సరుగుడు తోటలోకిపెద్దపులి

పులి పాదముద్రలు కొలుస్తూ..

కశింకోట, న్యూస్‌టుడే: మండలంలో రెండు రోజులుగా సంచరిస్తున్న పులి జాడ తెలుసుకోవడానికి అటవీ శాఖ అధికారులు ప్రయత్నాలు చేస్తున్నారు. మండలంలోని తాళ్లపాలెం శివారు బంగారయ్యపేట పాఠశాల వెనక నక్కి ఉందనే సమాచారంతో సోమవారం డీఆర్‌ఎఫ్‌ ధర్మరక్షిత్‌ ఆధ్వర్యంలో అటవీ శాఖాధికారి సంజీవరావు, స్వచ్ఛంద సేవాసంస్థ ప్రతినిధి అమర్‌నాథ్‌ ఆ ప్రాంతమంతా గాలించారు. దాని పాదముద్రలను చూసి పోలవరం కాలువ సమీపంలోని సరుగుడు తోటలోకి వెళ్లినట్లు గుర్తించారు. పులి సంచారంతో రాత్రివేళల్లో బయటకు రావడానికి ప్రజలు భయాందోళనలు చెందుతున్నారు. తాళ్లపాలెం, బంగారయ్యపేట తదితర గ్రామాల్లో అందరూ అప్రమత్తంగా ఉండాలని అధికారులు దండోరా వేయించారు.

గ్రామస్థులను అప్రమత్తం చేస్తూ..