మచ్చలేని నాయకుడు నరేంద్రమోదీ: జీవీఎల్‌

సమావేశంలో మాట్లాడుతున్న జీవీఎల్‌ నరసింహారావు

పెదవాల్తేరు, న్యూస్‌టుడే : సుదీర్ఘ రాజకీయ జీవితంలో నరేంద్రమోదీ మచ్చలేని నాయకుడిగా నిలిచారని భాజపా నేత జీవీఎల్‌ నరసింహారావు అన్నారు. లాసన్స్‌బేకాలనీ భాజపా కార్యాలయంలో మంగళవారం సాయంత్రం నిర్వహించిన విలేకరుల సమావేశంలో ఆయన మాట్లాడుతూ.. మంత్రి బొత్స సత్యనారాయణ అధికార పార్టీ చేసిన తప్పులను కేంద్రంపై నెడుతున్నారన్నారు. ఈసారి జరిగే ఎన్నికల్లో రాష్ట్రం నుంచి ఎన్డీయేకు మంచి ప్రాతినిధ్యం లభించే అవకాశం ఉందన్నారు. రాష్ట్రంలో ఎన్డీయే సారధ్యంలో డబుల్‌ ఇంజిన్‌ సర్కార్‌ వస్తుందన్నారు. భాజపా నాయకులు వంశీయాదవ్‌, సేనాపతి మహేష్‌, కరణంరెడ్డి నరసింహారెడ్డి పాల్గొన్నారు.