ప్రవేశికలోనే రాజ్యాంగం స్పష్టత

దెందులూరు : రాజ్యాంగం ద్వారా అన్నివర్గాల ప్రజలకు ఎలాంటి సమానత్వ సేవలు అందేవి, దాని స్వరూపాన్ని ప్రవేశికలోనే పొందుపరిచారని దళిత బహుజన రిసోర్స్‌ సెంటర్ కార్యదర్శి ఝాన్సీరాణి అన్నారు. దెందులూరు మండలంలోని పలు గ్రామాల్లో రాజ్యాంగ దినోత్సవ కార్యక్రమం శనివారం ఘనంగా నిర్వహించారు. కొవ్వలి ఉన్నత పాఠశాలలో జరిగిన కార్యక్రమంలో పాల్గొన్న ఆమె మాట్లాడుతూ.. అందరికీ సమాన న్యాయమే రాజ్యాంగం ముఖ్య ఉద్దేశమన్నారు. ప్రధానోపాధ్యాయులు శర్మ మాట్లాడుతూ.. రాజ్యాంగం రచనలో పాల్గొన్నవారు సుమారు మూడు సంవత్సరాలు కష్టపడి అన్నివర్గాల ప్రజలకు ఆమోదయోగ్యమైన లిఖిత రాజ్యాంగాన్ని రూపొందించారని చెప్పారు. ఈక్రమంలో డా.అంబేడ్కర్‌ అందించిన సేవలు స్మరించుకోవాలన్నారు. అందరూ ప్రవేశికను చదివి ప్రతిజ్ఞ చేశారు. కార్యక్రమంలో మాల మహానాడు జిల్లా  కార్యదర్శి బి.కిరణ్‌, ఉపాధ్యాయులు, విద్యార్థులు పాల్గొన్నారు.