మరో రెండు చోట్ల ఇసుక ర్యాంపులు

కోడేరులో సాగుతున్న పనులు

ఆచంట, న్యూస్‌టుడే: ఆచంట నియోజకవర్గంతో పాటు సమీప ప్రాంతాల వారికి త్వరలో ఇసుక కష్టాలు తీరనున్నాయి. ఓపెన్‌ రీచ్‌లైన కోడేరు, కరుగోరుమిల్లిలో తవ్వకాలు చేసేందుకు జేపీ సంస్థ సన్నద్ధమవుతోంది. రెండు చోట్లా వాహనాలు వెళ్లేందుకు వీలుగా ర్యాంపు పనులు చేపట్టింది. ఈ నెలాఖరు కల్లా విక్రయాలు చేపట్టే అవకాశం ఉందని ఆ సంస్థ ప్రతినిధులు తెలిపారు. ప్రస్తుతం ఈ ప్రాంత వాసులు తూర్పుగోదావరి, కొవ్వూరు నుంచి ఇసుక కొనుగోలు చేయడంతో రవాణా ఖర్చు భారంగా మారింది. రెండు ర్యాంపులు అందుబాటులోకి వస్తే కిరాయి తగ్గుతుందని స్థానిక వినియోగదారులు భావిస్తున్నారు.