నిజామాబాద్‌: లోక్‌సభ ఎన్నికల ప్రచారంలో భాగంగా నిజామాబాద్‌ భారాస ఎంపీ అభ్యర్థి బాజిరెడ్డి గోవర్ధన్‌ గురువారం ఆర్మూర్ నియోజకవర్గంలోని ఆలూరు, డొంకేశ్వర్ మండల కేంద్రాల్లో ఎన్నికల ప్రచారం నిర్వహించారు. ఈ సందర్భంగా ఆయన మాట్లాడుతూ.. మోసపోయి కాంగ్రెస్ పార్టీకి ఓటు వేయొద్దని కోరారు. రైతులందరూ కాంగ్రెస్ పార్టీకి వ్యతిరేకంగా ఉన్నారని అన్నారు. రైతులను ఆదుకున్న ప్రభుత్వం భారాస, కేసీఆర్‌ మాత్రమేనని గుర్తుచేశారు. అసెంబ్లీ ఎన్నికల్లో కాంగ్రెస్ పార్టీ మోసపూరిత వాగ్దానాలు చేసిందని ఆరోపించారు. ఆరు గ్యారంటీలను మభ్యపెట్టిందని విమర్శించారు. తాను ఎంపీగా గెలిచిన తర్వాత నిజామాబాద్ జిల్లాను మరింత అభివృద్ధి చేస్తానని బాజిరెడ్డి హామీ ఇచ్చారు. ఎన్నికల ప్రచారంలో భారాస జిల్లా అధ్యక్షుడు జీవన్ రెడ్డి, రాజ్యసభ సభ్యుడు సురేష్ రెడ్డి తదితరులు పాల్గొన్నారు.