హైదరాబాద్: కర్ణాటకలో కాంగ్రెస్‌ ప్రభుత్వం ఘోరంగా విఫలమైందని ఆ రాష్ట్ర మాజీ సీఎం యడియూరప్ప వ్యాఖ్యానించారు. తెలంగాణలో భాజపా అభ్యర్థుల తరఫున ఎన్నికల ప్రచారానికి విచ్చేసిన ఆయన మీడియా సమావేశం నిర్వహించారు. ఈ సందర్భంగా మాట్లాడుతూ కర్ణాటకలో కాంగ్రెస్‌ ఇచ్చిన 5 గ్యారంటీలు అమలు కాలేదన్నారు. కర్ణాటక ప్రజలను మోసం చేసిన సిద్ధరామయ్య ప్రభుత్వం దివాలా దిశగా నడుస్తోందని ఆరోపించారు. తెలంగాణలోనూ ఆరు గ్యారంటీ పథకాలు అంటూ కాంగ్రెస్‌ ప్రచారం చేస్తోందని అన్నారు. వాటిని నమ్మి తెలంగాణ ప్రజలు మోసపోవద్దని చెప్పారు. భాజపా అధికారంలోకి వస్తే తప్పకుండా బీసీ వ్యక్తిని సీఎం చేస్తామని యడియూరప్ప స్పష్టం చేశారు.