కాగజ్‌నగర్‌: కుమురంభీమ్‌ ఆసిఫాబాద్‌ జిల్లా కాగజ్‌నగర్‌లో ఉద్రిక్తత చోటు చేసుకుంది. కాగజ్‌నగర్‌లోని విజయ బస్తీలో ఆదివారం బీఎస్పీ ఎన్నికల ప్రచార సభ నిర్వహించారు. ఈ క్రమంలోనే అక్కడికి భారీ శబ్దాలతో భారాస ప్రచార వాహనం వచ్చింది. దీంతో భారాస, బీఎస్పీ వర్గాల మధ్య తోపులాట జరిగింది. రంగంలోకి దిగిన పోలీసులు ఇరువర్గాలను చెదరగొట్టారు. పాటల శబ్దం తగ్గించాలని కోరినా భారాస కార్యకర్తలు పట్టించుకోలేదని బీఎస్పీ రాష్ట్ర అధ్యక్షుడు ఆర్‌ఎస్‌ ప్రవీణ్ కుమార్‌ ఆరోపించారు. భారాస కార్యకర్తలపై చర్యలు తీసుకోవాలని డిమాండ్‌ చేస్తూ ఆర్‌ఎస్‌ ప్రవీణ్ కుమార్‌ కాగజ్‌నగర్‌ పోలీస్‌ స్టేషన్‌ ఎదుట బైఠాయించి నిరసన తెలిపారు.