లోక్‌సభ ఎన్నికల్లో దివ్యాంగులు, 85 ఏళ్లు నిండిన వృద్ధులు తమ ఇంటి వద్దనే ఓటు వేసేందుకు ఎన్నికల సంఘం అవకాశం కల్పించింది. రాష్ట్రవ్యాప్తంగా దరఖాస్తు చేసుకున్నవారిలో 23,248 మంది ఇందుకు అర్హులని గుర్తించారు. ఇంటి నుంచి ఓటు వేసే ప్రక్రియ గురువారం ప్రారంభమైంది.

మెదక్‌ లోక్‌సభ నియోజకవర్గం పరిధిలోని సిద్దిపేట జిల్లా దుబ్బాకలో అధికారులు పోస్టల్‌ బ్యాలెట్‌తో పాటు బ్యాలెట్‌ బాక్స్‌ను తీసుకుని.. వృద్ధులు, దివ్యాంగుల ఇళ్ల వద్దకు వెళ్లారు. వారి సంతకాలు, వేలిముద్రలు తీసుకుని.. ఇంట్లోనే రహస్యంగా ఓటు వేయించారు.

న్యూస్‌టుడే, దుబ్బాక