CM Jagan: ఎలా ముందుకెళ్దాం?.. హైకోర్టు తీర్పుపై సీఎం జగన్‌ సమీక్ష

అమరావతి: రాజధాని అంశంలో ఏపీ హైకోర్టు ఇచ్చిన తీర్పుపై సీఎం జగన్‌ కీలక సమీక్ష నిర్వహించనున్నారు. రాజధానిగా అమరావతిని అభివృద్ధి చేయాలని.. సీఆర్డీఏ చట్టం ప్రకారం ప్రభుత్వ వ్యవహరించాలంటూ హైకోర్టు ఈరోజు తీర్పు ఇచ్చిన విషయం తెలిసిందే. ఈ నేపథ్యంలో ప్రభుత్వం ఎలా ముందుకెళ్లాలనే అంశంపై ఉన్నతాధికారులు, న్యాయనిపుణులతో సీఎం సమీక్ష సమావేశం ఏర్పాటు చేశారు.

తాడేపల్లిలోని సీఎం క్యాంపు కార్యాలయంలో ఈ సమావేశం జరగనుంది. ఈ సమీక్షలో పురపాలక, పట్టణాభివృద్ధి శాఖ మంత్రి బొత్స సత్యనారాయణ కూడా పాల్గొననున్నారు. ఇప్పటికే ఆయన సీఎం క్యాంపు కార్యాలయానికి చేరుకున్నారు. సీఎం సమీక్ష అనంతరం ప్రభుత్వ విధానాన్ని మంత్రి బొత్స మీడియాకు వెల్లడించే అవకాశముంది.