‘చెరువుల సంర‌క్ష‌ణ‌లో చొర‌వ తీసుకోవాలి’’

జీహెచ్‌ఎంసీ మేయర్‌ బొంతు రామ్మోహన్‌ పిలుపు

హైదరాబాద్‌: న‌గ‌రంలోని చెరువుల అభివృద్ధిపై జీహెచ్‌ఎంసీ కార్యాల‌యంలో మేయ‌ర్ బొంతు రామ్మోహ‌న్ స‌మీక్ష నిర్వహించారు. జీహెచ్‌ఎంసీ ప‌రిధిలో మిష‌న్ కాక‌తీయ కింద రూ.282 కోట్ల‌తో 19 చెరువుల‌ను అభివృద్ది చేస్తున్నామని బొంతు రామ్మోహన్‌ తెలిపారు. హ‌స్మ‌త్‌పేట గ్రామంలో ఉన్న బోయిన్ చెరువు పున‌రుర్ధర‌ణ‌, స‌మ‌గ్రాభివృద్దికి రూ. 14.45 కోట్లు మంజూరు చేసినట్లు మేయర్‌ తెలిపారు. ‘‘చెరువుల సంర‌క్ష‌ణ‌, అభివృద్దిలో కార్పొరేటర్లు చొర‌వ తీసుకోవాలి.  చెరువుల అభివృద్దికి చేప‌ట్టిన ప‌నుల‌ను వేగ‌వంతం చేయాలి. చెరువుల సంర‌క్ష‌ణ‌, అభివృద్దిలో భాగంగా హ‌రిత‌హారంలో మొక్క‌లు పెంచాలి’’ అని మేయర్‌ బొంతు రామ్మోహన్‌ కోరారు.