TS RTC: టీఎస్‌ ఆర్టీసీ ప్రయాణికులకు శుభవార్త చెప్పిన సజ్జనార్‌

హైదరాబాద్‌: ప్రయాణికులకు తెలంగాణ ఆర్టీసీ బంపర్ ఆఫర్‌ ప్రకటించింది. ప్రయాణికులను ఆకట్టుకునేందుకు వినూత్న కార్యక్రమాలు చేపడుతున్న టీఎస్‌ ఆర్టీసీ ఎండీ సజ్జనార్‌ తాజాగా మరో ఆకర్షణీయమైన స్కీమ్‌ను ప్రవేశ పెట్టారు. 250 కిలోమీటర్లకు పైగా దూర ప్రాంతాలకు వెళ్లేందుకు ముందుగా టికెట్‌ రిజర్వేషన్‌ చేసుకున్న ప్రయాణికులు వారి ఇంటి వద్ద నుంచి బోర్డింగ్‌ పాయింట్‌ వరకు ఆర్టీసీ బస్సులో ఉచితంగా ప్రయాణించే అవకాశం కల్పిస్తున్నట్టు ట్విటర్‌ వేదికగా వెల్లడించారు. జంట నగరాల్లో ప్రయాణానికి 2గంటల ముందు, ప్రయాణం తర్వాత 2గంటల సమయం వరకు ఈ అవకాశం వర్తిస్తుందని వెల్లడించారు.