కూల్చివేత పనులు పరిశీలిస్తోన్న మీడియా ప్రతినిధులు

హైదరాబాద్‌: తెలంగాణ రాష్ట్ర సచివాలయ భవనాల కూల్చివేత పనులను మీడియా ప్రతినిధులు పరిశీలిస్తున్నారు. కొత్త సచివాలయం నిర్మాణం నిమిత్తం ప్రస్తుతం సచివాలయ భవనాలను ప్రభుత్వం కూల్చివేయిస్తున్న విషయం తెలిసిందే. కాగా.. కూల్చివేత ప్రక్రియ మీడియా సమక్షంలో జరగాలని హైకోర్టులో పిటిషన్‌ దాఖలైంది. దీంతో కూల్చివేత, వ్యర్థాల తొలగింపు పనుల వార్తల సేకరణకు అనుమతి లభించింది. ఈ మేరకు హైదరాబాద్‌ సీపీ నేతృత్వంలో మీడియా ప్రతినిధులు కూల్చివేత పనులను పరిశీలిస్తున్నారు.