Kadapa: నందలూరు-రాజంపేట రైల్వే మార్గం పునరుద్ధరణ పనులు పూర్తి

కడప: భారీ వర్షాలు, వరదల ధాటికి కడప జిల్లా నందలూరు వద్ద ధ్వంసమైన రైల్వే మార్గాన్ని అధికారులు పునరుద్ధరించారు. ఈ నెల 19న పింఛ, అన్నమయ్య ప్రాజెక్టులు తెగిపోవడంతో ఆ వరదల ధాటికి ఒకటిన్నర కిలోమీటర్ మేర రైలు మార్గం పూర్తిగా దెబ్బతింది. నందలూరు, రాజంపేట మధ్య రెండు రైల్వేలైన్లు దెబ్బతిన్నాయి. దీంతో రైళ్ల రాకపోకలకు అంతరాయం ఏర్పడింది. పలు రైళ్లను దారి మళ్లించగా.. కొన్ని సర్వీసుల్ని రద్దు చేశారు. కడప నుంచి తిరుపతి, చెన్నైకి వెళ్లే మార్గం కావడంతో రైళ్ల రాకపోకలతో రద్దీగా ఉండే ఈ దారి.. బోసిపోయింది. సరకు, ప్రయాణికుల రవాణా నిలిచిపోవడంతో  రైల్వేకు పెద్ద ఎత్తున నష్టం వాటిల్లింది.

► Read latest General News and Telugu News