Hyd Rain: నగర వాసులను పలకరించిన వరుణుడు.. పలుచోట్ల వడగళ్ల వాన

హైదరాబాద్‌: మండుటెండలతో సతమతమవుతున్న నగర వాసులను వరుణుడు పలకరించాడు. సోమవారం నగరంలోని పలు ప్రాంతాల్లో  వడగళ్ల వాన కురిసింది. నాంపల్లి, హైకోర్టు, గోషామహల్, బేగంబజార్‌, బహదూర్‌పురా తదితర ప్రాంతాల్లో వడగళ్ల వర్షం పడగా.. చంచల్‌గూడ, సైదాబాద్‌, చంపాపేట, కోఠి, అబిడ్స్‌, నారాయణగూడ, హిమాయత్‌నగర్‌, లిబర్టీ, బషీర్‌బాగ్‌, హైదర్‌గూడ తదితర ప్రాంతాల్లో వర్షం కురిసింది. దీంతో వివిధ పనులపై బయటకు వెళ్లిన వాహనదారులు, పాదచారులు తడిసిముద్దయ్యారు. పలుచోట్ల రహదారులపై నీరు నిల్వడంతో ట్రాఫిక్‌కు అంతరాయం కలిగింది. దీంతో వాహనదారులు ఇబ్బంది పడ్డారు.