గొంతెమ్మ కోర్కెలు కోరట్లేదు: కడప, విశాఖలో పారిశుద్ధ్య కార్మికుల ఆందోళన

కడప: సమాన పనికి సమాన వేతనం కల్పించాలని డిమాండ్‌ చేస్తూ కడపలో మున్సిపల్‌ పారిశుద్ధ్య కార్మికులు ఆందోళన చేపట్టారు. అసెంబ్లీ సాక్షిగా సీఎం జగన్‌ ఇచ్చిన హామీని నెరవేర్చాలని డిమాండ్‌ చేశారు. ఒప్పంద, పొరుగు సేవల సిబ్బంది సర్వీసు క్రమబద్ధీకరించాలని వారు కోరారు. టెక్నికల్‌, నాన్‌ టెక్నికల్‌ సిబ్బంది వేతనాలు పెంచాలన్నారు. తాము గొంతెమ్మ కోర్కెలు కోరట్లేదని కార్మికులు వివరించారు.

విశాఖలోనూ మున్సిపల్‌ ఒప్పంద కార్మికులు ధర్నా చేపట్టారు. జీవీఎంసీ కాంట్రాక్ట్‌ వర్కర్స్‌ యూనియన్‌, సీఐటీయూ ఆధ్వర్యంలో ఆందోళన చేపట్టిన కార్మికులు డీఏతో కూడిన సమాన వేతనాలు ఇవ్వాలని డిమాండ్‌ చేశారు. ఒప్పంద కార్మికుల సర్వీసు క్రమబద్ధీకరించాలని కోరారు. ఇంజినీరింగ్‌ విభాగాల్లోని కార్మికులకు ఉద్యోగ భద్రత కల్పించాలని విజ్ఞప్తి చేశారు.