Vizag steel:ముగిసిన విశాఖ ఉక్కు బిడ్ల గడువు.. ఆసక్తి చూపిన 29 సంస్థలు

విశాఖపట్నం: వర్కింగ్‌ క్యాపిటల్‌, ముడిసరకు కోసం విశాఖ ఉక్కు ఎక్స్‌ప్రెషన్‌ ఆఫ్‌ ఇంట్రెస్ట్‌ (ఈవోఐ) బిడ్ల దాఖలుకు గురువారంతో గడువు ముగిసింది. మొత్తం 29 సంస్థలు ఆసక్తి వ్యక్తం చేసినట్టు సమాచారం. ఏడు విదేశీ సంస్థలు ఈవోఐ దాఖలు చేశాయని కార్మిక సంఘం నేత అయోధ్యరామ్‌ తెలిపారు. ఏపీ, తెలంగాణ ప్రభుత్వాలు ఆసక్తి చూపినట్టు సమాచారం లేదన్నారు. ఎన్‌ఎండీసీ వంటివి కూడా  ఈవోఐ దాఖలు చేయలేదని అయోధ్యరామ్‌ వెల్లడించారు. తొలుత నిర్దేశించిన షెడ్యూల్‌ ప్రకారం.. శనివారంతో గడువు ముగిసినప్పటికీ ఆర్‌ఐఎన్‌ఎల్‌ మరో ఐదు రోజులు (గురువారం వరకు) గడువు పొడిగించింది.  దీంతో ఇవాళ మధ్యాహ్నం 3గంటలకు బిడ్డింగ్‌ గడువు ముగిసింది.