హిందూ సముద్రంలో 120 యుద్ధనౌకలు

ఇంటర్నెట్‌ డెస్క్‌ : చైనాతో సరిహద్దు వివాదం కొనసాగుతున్న వేళ త్రివిధ దళాధిపతి బిపిన్‌ రావత్‌ కీలక విషయాన్ని వెల్లడించారు. వివిధ మిషన్‌లకు మద్దతుగా హిందూ మహాసముద్ర ప్రాంతంలో 120 యుద్ధ నౌకలను మోహరించినట్లు వెల్లడించారు. అంతర్జాతీయ భద్రతా సదస్సులో ప్రసంగించిన రావత్‌.. శాంతి, సార్వభౌమత్వాన్ని కాపాడాలంటే సముద్రతీరాల్లోని సమాచార వ్యవస్థ సురక్షితంగా ఉండటం కీలకమన్నారు. ప్రస్తుతం హిందూ మహాసముద్ర ప్రాంతం శాంతియుతంగానే ఉన్నట్లు తెలిపారు. ఈ ప్రాంతంలో ఆధిపత్యం పెంచుకునేందుకు చైనాలో ఆర్థిక, సైనిక రంగాలు పోటీపడి వృద్ధిచెందాయని గుర్తుచేశారు. సైనిక రంగంలో సాంకేతికత దాన్ని నాశనం చేసేలా ఉండరాదని సూచించారు. భాగస్వామ్య దేశాలతో శిక్షణ ఒప్పందాలు కుదుర్చుకుని భవిష్యత్తులో మరింత బలపడేందుకు భద్రత అంశాలను ఏకపక్షం నుంచి బహుపక్షాలకు మార్చాలని అభిప్రాయపడ్డారు.