japan: ఒసాకాలో అగ్నిప్రమాదం.. 27 మంది మృతి

ఇంటర్నెట్‌డెస్క్‌: జపాన్‌లోని ఒసాకా నగరంలో ఘోర అగ్నిప్రమాదం జరిగింది. డౌన్‌టౌన్‌ ఒసాకాలోని ఒక భవనంలో మంటలు చెలరేగాయి. ఈ ఘటనలో ఇప్పటి వరకు మొత్తం 27 మంది ప్రాణాలు కోల్పోయారు. ఉద్దేశపూర్వకంగా ఎవరో నిప్పు పెట్టి ఉంటారని పోలీసులు అనుమానిస్తున్నట్లు ప్రభుత్వ రంగ బ్రాడ్‌కాస్టింగ్‌ సంస్థ పేర్కొంది. మృతులు మొత్తం ఊపిరాడక ప్రాణాలు కోల్పోయినట్లు దర్యాప్తు అధికారులు వెల్లడించారు. 

మొత్తం 8 అంతస్తులున్న ఈ భవనంలోని నాలుగో అంతస్తులో నేడు అగ్నిప్రమాదం చోటు చేసుకొంది. ఈ అంతస్తులో దుకాణాలు, వినోద కేంద్రాలు ఉన్నాయి. ఈ భవనంలో ఒక వైద్యశాల, ఇంగ్లిష్‌ బోధించే పాఠశాల వంటివి ఉన్నాయి. డజన్ల 70 ఫైర్‌ ఇంజిన్లు ప్రమాద ప్రాంతానికి చేరుకొని అగ్నికీలలను ఆర్పేందుకు చర్యలు చేపట్టాయి.