వుహాన్ లేబొరేటరీలో ఏం జరిగింది?
చైనాలో మొదలై ప్రపంచదేశాలను పట్టి పీడిస్తోన్న మహమ్మారి కరోనా వైరస్ అంతకంతకూ విజృంభిస్తోంది. ముఖ్యం అగ్ర రాజ్యం అమెరికా కరోనా ధాటికి చిగురుటాకులా
కరోనా వైరస్ అలా బయటకు వచ్చిందట
ఫాక్స్ న్యూస్ తాజా నివేదిక
ఇంటర్నెట్డెస్క్: చైనాలో మొదలై ప్రపంచదేశాలను పట్టి పీడిస్తోన్న మహమ్మారి కరోనా వైరస్ అంతకంతకూ విజృంభిస్తోంది. ముఖ్యంగా అగ్ర రాజ్యం అమెరికా కరోనా ధాటికి చిగురుటాకులా వణికిపోతోంది. ఆ దేశంలో మరణాల సంఖ్య గణనీయంగా పెరుగుతోంది. ఇంతటి విపత్తుకు కారణమైన కరోనా వైరస్ పుట్టుకకు చైనాయే కారణమా? అమెరికా అధ్యక్షుడు డొనాల్డ్ ట్రంప్ వాదిస్తున్నట్లు ఆ వైరస్ను సృష్టించింది చైనాయేనా? మరణాల సంఖ్య నానాటికీ పెరుగుతున్నా, కరోనా వైరస్ ఎక్కడ పుట్టిందన్న వాదనపై భిన్నాభిప్రాయాలు వ్యక్తం అవుతున్నాయి. అందుకు కారణం మీరంటే.. మీరంటూ అమెరికా-చైనా అంతర్జాతీయ వేదికగా వాదించుకుంటున్నాయి. తాజాగా ఫాక్స్ న్యూస్ బయట పెట్టిన నివేదిక ఏం చెబుతోంది. దానికి ట్రంప్ ఏమంటున్నారు?
మాంసాహార మార్కెట్లో పుట్టిందనుకున్నారు
మహమ్మారి కరోనా వైరస్ జన్మస్థలం చైనాలోని వుబెయ్ ప్రావిన్స్ వుహాన్ నగరమన్నది అందరికీ తెలిసిందే. చైనాలోని ప్రధాన నగరాల్లో ఇదొకటి. ప్రపంచంలోనే అతిపెద్ద మాంసాహార మార్కెట్ ఇక్కడుంది. అక్కడి సముద్ర జంతువుల ఆహారం దొరికే చోటే గతేడాది చివర్లో కరోనా వైరస్ పుట్టిందని అందరూ అనుకుంటున్నారు. అక్కడి ఆహారాన్ని కొనుగోలు చేసి తిన్న వ్యక్తి ద్వారా ఒకరి నుంచి మరొకరికి సోకిందని భావిస్తున్నారు.
ఫాక్స్ న్యూస్ ఏం బయట పెట్టింది?
అయితే, ఫాక్స్ న్యూస్ అత్యంత విశ్వసనీయ వర్గాల ద్వారా సేకరించిన నివేదిక మరోలా చెబుతోంది. ఈ వైరస్కు నిలయమైన గబ్బిలాలపై వుహన్ లేబొరేటరీలో పరిశోధన చేస్తుండగా, తొలుత అక్కడ పనిచేసే వ్యక్తికి సోకడం ద్వారా వ్యాపించిందట. ‘పేషెంట్ జీరో’ అక్కడ పనిచేస్తుండటం, ఆమె నుంచి ఈ దావానలం సామాజ్య ప్రజలకు వ్యాపించిందని చెబుతోంది. అంతేకానీ, ఇది జీవాయుధం కాదని వెల్లడించింది. వుహాన్ ల్యాబ్లో జరిగిన ఈ ఘటనను కప్పిపుచ్చేందుకు చైనా ప్రయత్నాలు చేసిందని, మార్కెట్ ద్వారా వ్యాపించినట్లు చెప్పుకొచ్చిందని ఫాక్స్ తెలిపింది.
మరిన్ని కథనాలు వింటారు: ట్రంప్
దీనిపై తాజాగా శ్వేతసౌథంలో జరిగిన విలేకరుల సమావేశంలో ఫాక్స్ న్యూస్ విలేకరి ట్రంప్తో మాట్లాడుతూ.. ‘‘ఫాక్స్ న్యూస్కు వివిధ విశ్వసనీయ వర్గాల ద్వారా సమాచారం ఉంది. కరోనా వైరస్ సహజంగానే కొన్ని జంతువుల్లో ఉంటుంది. అయితే, అది పుట్టింది మాత్రం వుహాన్లోని వైరాలజీ ల్యాబ్ నుంచే. సరైన ప్రమాణాలు పాటించకపోవడంతో అక్కడ పనిచేసే సిబ్బందిలో ఒకరికి ఈ వ్యాధి సోకింది. ఆమె తన బాయ్ ఫ్రెండ్ను కలవడం, అతను మార్కెట్కు వెళ్లడం అక్కడి నుంచి వ్యాధి ఇతరులకు వ్యాపించడం ద్వారా మహమ్మారిలా మారింది’’ దీనిపై మీరేంటారు? అని అడగ్గా, ఈ నివేదికను ట్రంప్ నిజమైనదేనని చెప్పలేదు.. అలాగని ఖండించలేదు. ‘మరిన్ని కథనాలు మనం వింటాం. చూస్తాం. ప్రస్తుత పరిస్థితిపై మరింత శూలశోధన చేస్తున్నాం’’ అని మాత్రం సమాధానం ఇచ్చారు.
రెండేళ్ల కిందటే హెచ్చరించిన యూఎస్ ఎంబసీ
ఇక ఇటీవల చైనా అధ్యక్షుడు జిన్పింగ్తో చైనీస్ ల్యాబ్ భద్రతపై ఫోన్లో మాట్లాడారట? అని అదే విలేకరి ప్రశ్నించగా, ‘లేబొరేటరీ గురించి నేను ఏం మాట్లాడానో చర్చించదలచుకోలేదు. ఇది అప్రస్తుతం’ అని సమాధానం ఇచ్చారు. అత్యంత ప్రమాదకర వైరస్లపై పరిశోధన చేస్తున్న వుహాన్ ఇనిస్టిట్యూట్ ఆఫ్ వైరాలజీలో భద్రత ప్రమాణాలపై రెండేళ్ల కిందటే యూఎస్ ఎంబసీ హెచ్చరించిందని ఇటీవల వాషింగ్టన్ పోస్ట్ కూడా ఒక కథనాన్ని ప్రచురించింది. వుహాన్లోని ఈ ల్యాబ్ మాంసాహార విక్రయ మార్కెట్కు అత్యంత సమీపంలో ఉండటం గమనార్హం.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
ఊటీ, కొడైకెనాల్ వెళ్లేందుకు ఈ-పాస్ తప్పనిసరి
తమిళనాడులోని ప్రసిద్ధ వేసవి విడిది కేంద్రాలైన ఊటీ, కొడైకెనాల్ వెళ్లేందుకు ఈ-పాస్ను తప్పనిసరి చేసిన నేపథ్యంలో ఇందుకు సంబంధించి రిజిస్ట్రేషన్, ఈ-పాస్ వినియోగం ప్రారంభమయ్యాయి. మద్రాసు హైకోర్టు ఆదేశాల మేరకు ఊటీ, కొడైకెనాల్ వెళ్లేవారికి 7వ తేదీ నుంచి ఈ-పాస్ తప్పనిసరి అంటూ గతంలో తమిళనాడు ప్రభుత్వం ప్రకటించింది. -
ఆస్ట్రేలియా వీసాలకు.. ఇక ‘టోఫెల్’ స్కోర్ చెల్లుబాటు
అన్ని ఆస్ట్రేలియా వీసాలకు టోఫెల్ (టెస్ట్ ఆఫ్ ఇంగ్లిష్ యాజ్ ఏ ఫారెన్ లాంగ్వేజ్) స్కోర్ ఇక నుంచి చెల్లుబాటు అవుతుందని ఎడ్యుకేషనల్ టెస్టింగ్ సర్వీస్ (ETS) వెల్లడించింది. -
‘నేనూ ఎంజాయ్ చేశా’.. తనపై వచ్చిన వీడియోను రీట్వీట్ చేసిన మోదీ
తనపై వచ్చిన ఓ మీమ్ విషయంలో ప్రధాని మోదీ (PM modi) మాత్రం చాలా హుందాగా వ్యవహరించారు. సోషల్మీడియాలో తనపై వచ్చిన ఓ వీడియో చూసి తాను ఎంజాయ్ చేసినట్లు చెప్పుకొచ్చారు.
తాజా వార్తలు (Latest News)
-
నరైన్ నవ్వడెందుకు.. సహచరులు చెప్పిన విశేషాలు..!
-
25 ఏళ్లుగా ఇండస్ట్రీలో ఉంటున్నా.. ఇలా చేయడం బాధగా ఉంది: కరణ్ జోహార్
-
దేవకన్యలా జాన్వీకపూర్.. అందమైన ఫొటోతో దివి ప్రేమ
-
నేటి రాశి ఫలాలు.. 12 రాశుల ఫలితాలు ఇలా... (07/05/24)
-
టీ20 వరల్డ్ కప్ జెర్సీ రివీల్.. మాకు ముందే తెలుసంటూ నెటిజన్స్ ట్రోల్స్!
-
గుడ్న్యూస్ చెప్పిన ‘ది ఫ్యామిలీ మ్యాన్’ టీమ్.. అది ఏంటంటే..