చైనాలో తెరుచుకున్న థీమ్‌పార్క్‌

షాంఘై: కరోనా మహమ్మారి భయాందోళనలతో ప్రపంచ దేశాలన్నీ లాక్‌డౌన్‌ అమలు చేస్తున్నాయి. కానీ.. వైరస్‌కు పుట్టినిల్లైన చైనా మాత్రం దేశంలోని పార్కులను తిరిగి తెరిచేందుకు నిర్ణయించింది. సుదీర్ఘకాలం తరువాత షాంఘై నగరంలోని ప్రపంచ ప్రఖ్యాతిగాంచిన డిస్నీల్యాండ్‌ థీమ్‌పార్క్‌ సందర్శకుల కోసం తెరుచుకుంది. కరోనా వ్యాప్తి దృష్టా జనవరిలో తాత్కాలికంగా మూత పడిన ఈ థీమ్‌ పార్కును తగు జాగ్రత్తలు పాటిస్తూ సోమవారం తిరిగి తెరిచారు. పార్కుల వద్ద రద్దీని నియంత్రించేందుకు కేవలం 30 శాతం టికెట్లను మాత్రమే ఆన్‌లైన్‌లో విక్రయించి సందర్శకులను అనుమతించారు. కరోనా కారణంగా తాత్కాలికంగా మూతపడిన ప్రపంచంలోని ఆరు ప్రముఖ డిస్ని ల్యాండ్‌ థీమ్‌ పార్కుల్లో చైనాలోని థీమ్‌ పార్క్‌ను మాత్రమే సందర్శకుల కోసం తెరిచారు. ఇవాళ కూడా చైనాలో కొత్తగా 17 కరోనా కేసులు నమోదయ్యాయి.