Published : 11 Jul 2021 12:00 IST

Ransomware: రాన్సమ్‌వేర్‌ను అడ్డుకోండి

లేకపోతే చర్యలు.. పుతిన్‌తో బైడెన్‌

వాషింగ్టన్‌: రష్యా నుంచి జరుగుతున్న రాన్సమ్‌వేర్‌ దాడులను.. ఆ దేశ అధ్యక్షుడు వ్లాదిమిర్‌ పుతిన్‌ అడ్డుకోవాలని, లేకుంటే పరిణామాలు తప్పవని అమెరికా అధ్యక్షుడు జో బైడెన్‌ హెచ్చరించారు. ఆయన శుక్రవారం పుతిన్‌తో ఫోన్‌లో మాట్లాడారు. తాజాగా అమెరికాలోని సంస్థలపై జరిగిన రాన్సమ్‌వేర్‌ దాడులను ప్రస్తావించారు. రష్యాలోని కొందరు నేరగాళ్లు చేస్తున్న ఈ దాడుల కారణంగా అమెరికా సహా పలు దేశాలు ప్రభావానికి లోనవుతున్నాయని తెలిపారు. ‘‘రష్యా నుంచే దాడులు జరుగుతున్నాయని స్పష్టంగా పుతిన్‌కు చెప్పాను. ఈ దాడుల వెనుక ఆ ప్రభుత్వం లేకపోయినా, ఎవరున్నారో తెలుపుతూ మేం తగిన సమాచారమిస్తే..వారిపై చర్యలు తీసుకోవాలని చెప్పాను’’ అని బైడెన్‌ తెలిపారు. ఈ విషయంలో ఇప్పటికే రష్యాతో సమాచారం ఇచ్చిపుచ్చుకొనే వ్యవస్థను నెలకొల్పామని కూడా పేర్కొన్నారు. అమెరికా ప్రజలకు, కీలక వ్యవస్థలకు ఎలాంటి నష్టం వాటిల్లినా తీవ్ర చర్యలు తప్పవని కూడా ఆ ఫోన్‌ సంభాషణలో పుతిన్‌కు బైడెన్‌ స్పష్టం చేసినట్లు శ్వేతసౌధం ప్రతినిధి తెలిపారు. 

Read latest India News and Telugu News

 Follow us on Facebook, Twitter, Instagram, Koo, ShareChat and Google News.

Tags :

గమనిక: ఈనాడు.నెట్‌లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సు సాంకేతికతతో పంపబడతాయి. ఏ ప్రకటనని అయినా పాఠకులు తగినంత జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.


మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జనరల్

మరిన్ని