DGCA: విమానయాన సిబ్బందికి డ్రగ్స్‌ పరీక్షలు

జనవరి 31 నుంచి అమలు

దిల్లీ: విమానాల్లో విధులు నిర్వహించే సిబ్బందికి, గగనయాన రాకపోకలు నియంత్రించే ఉద్యోగులకు వచ్చే ఏడాది జనవరి 31 నుంచి మాదక ద్రవ్యాల పరీక్షలు చేయనున్నారు. మనుషుల మానసిక పరిస్థితులపై ప్రభావం చూపించే గంజాయి, కొకెయిన్‌ వంటి మాదకద్రవ్యాలకు సిబ్బంది దూరంగా ఉండాలన్న ఉద్దేశంతో ఈ నిర్ణయం తీసుకున్నారు. ప్రపంచవ్యాప్తంగా విస్తరిస్తున్న వీటి వినియోగం, లభ్యత విమాన ప్రయాణికుల భద్రతపరంగా తీవ్రంగా పరిగణించాల్సిన విషయాలుగా సోమవారం జారీచేసిన ఆదేశాల్లో పౌర విమానయాన డైరెక్టరేట్‌ జనరల్‌ (డీజీసీఏ) పేర్కొన్నారు.