విదేశాల్లో పీజీ, పీహెచ్‌డీకి ఆర్థిక సాయం.. ఎస్సీ విద్యార్థుల నుంచి దరఖాస్తులకు ఆహ్వానం

ఈనాడు డిజిటల్‌, హైదరాబాద్‌: విదేశీ విశ్వవిద్యాలయాల్లో పీజీ, పీహెచ్‌డీ చదవాలనుకునే ఎస్సీ విద్యార్థులకు శుభవార్త. ‘నేషనల్‌ ఓవర్‌సీస్‌ స్కాలర్‌షిప్‌’ పథకం కింద 2022-23 విద్యాసంవత్సరంలో విదేశాల్లో చదవాలనుకునే వారికి ఆర్థిక సాయం అందించేందుకు కేంద్ర ప్రభుత్వం దరఖాస్తులు ఆహ్వానిస్తోంది. అర్హులైన అభ్యర్థులు మార్చి 31 వరకు దరఖాస్తు చేసుకోవచ్చు. ఎంపికైన విద్యార్థులకు విదేశీ వర్సిటీలో చేరాక ఏటా నిర్వహణ వ్యయం, కోర్సు ఫీజు, వీసా, విమాన ప్రయాణ ఖర్చులకు కేంద్రం ఆర్థిక సాయం అందించనుంది. అభ్యర్థులు ‌్ర్ర్ర.-్న(్ఝ(ౖ’.్ణ్న‌్ర.i- వెబ్‌సైట్‌లో దరఖాస్తు చేసుకోవాలని సూచించింది.