Corona Virus: రైళ్లలో అన్‌రిజర్వ్‌డ్‌ సీట్ల పునరుద్ధరణ

ఈనాడు, దిల్లీ: దేశవ్యాప్తంగా కొవిడ్‌ కేసులు తగ్గుముఖం పట్టడంతో రైల్వేశాఖ రైళ్లలో అన్‌రిజర్వ్‌డ్‌ సీట్లను పునరుద్ధరిస్తూ సోమవారం ఉత్తర్వులు జారీచేసింది. దీని ప్రకారం జనరల్‌ క్లాస్‌లో ప్రయాణికులు ఇదివరకు మాదిరి అప్పటికప్పుడు టికెట్లు కొని ప్రయాణించవచ్చు. కొవిడ్‌ సమయంలో ఈ జనరల్‌ క్లాస్‌ టికెట్లనూ రిజర్వేషన్‌ కేటగిరీగా మార్చి అందులో ఉన్న సీట్ల సంఖ్యవరకు మాత్రమే రైల్వేశాఖ విక్రయించేది. అందుకోసం రిజర్వేషన్‌ ఛార్జీ కింద రూ.20 అదనంగా వసూలుచేసేది. ఇప్పుడు వాటిని కొవిడ్‌ ముందునాటి మాదిరి మార్చినందున జనరల్‌క్లాస్‌ టికెట్‌ తీసుకొనేవారు ఇకపై రూ.20 అదనంగా చెల్లించాల్సిన అవసరం ఉండదు.