భారత్‌లోకి పాక్‌ ‘గూఢచారి’ పావురం!

పాకిస్థాన్‌ సరిహద్దుల నుంచి ఓ పావురం భారత్‌లోకి వచ్చింది. దాని రెక్కలపై గణాంకాల రూపంలో గూఢ భాష ఉండటంతో మన అధికారులు అప్రమత్తమయ్యారు. పావురాన్ని పోలీస్‌స్టేషనులో ఉంచి దర్యాప్తు చేస్తున్నారు. సంకేతాలతో కూడిన భాషను నిఘా విభాగం అధికారులు డీకోడ్‌ చేయడానికి శ్రమిస్తున్నారు. సాధారణంగా పాక్‌ నుంచి భారత సరిహద్దులకు పావురాలు వస్తుంటాయి. అనుమానాస్పదంగా ఉన్నవాటిని మన అధికారులు అదుపులోకి తీసుకుంటారు. గూఢచర్యానికి సంబంధించినవి కాదని నిర్ధరించుకున్న తర్వాతే విడిచిపెడతారు. ఇటీవలే సైన్యానికి సంబంధించిన రహస్య సమాచారాన్ని పాక్‌ మహిళకు చేరవేసిన ఓ వ్యక్తిని అదుపులోకి తీసుకున్న విషయం తెలిసిందే.