రెండో రోజూ తగ్గిన కరోనా కొత్త కేసులు

దిల్లీ: దేశంలో కొవిడ్‌-19 కొత్త కేసులు వరుసగా రెండో రోజూ తగ్గాయి. ఈ మేరకు తాజాగా (శనివారం ఉదయం 8 గంటల నుంచి ఆదివారం ఉదయం 8 గంటల వరకు) 11,739 మందికి వైరస్‌ సోకింది. అంతకుముందు రోజు ఈ సంఖ్య 15,940గా నమోదైన సంగతి తెలిసిందే. మొత్తం కేసుల సంఖ్య 4,33,89,973కు, మొత్తం మరణాల సంఖ్య 5,24,999కు చేరింది. కరోనాతో పోరాడుతూ తాజాగా 25 మంది మరణించారు. క్రియాశీలక కేసుల సంఖ్య 92,576కు చేరినట్లు కేంద్ర ఆరోగ్య మంత్రిత్వశాఖ తెలిపింది. మొత్తం కేసుల్లో వీటి వాటా 0.21 శాతంగా ఉన్నట్లు వివరించింది. మరోవైపు, రోజువారీ పాజిటివీటీ రేటు 2.59గా నమోదైంది.