ఆన్‌లైన్‌ గేమింగ్‌ కంపెనీకి చెందిన రూ.68 కోట్లు జప్తు చేసిన ఈడీ

దిల్లీ: మొబైల్‌ గేములు నిర్వహిస్తున్న ఓ సంస్థకు చెందిన రూ.68 కోట్లకు పైబడిన డిపాజిట్లను ఎన్‌ఫోర్స్‌మెంట్‌ డైరెక్టరేట్‌ (ఈడీ) స్తంభింపజేసింది. మనీలాండరింగ్‌ వ్యవహారంలో కోడా పేమెంట్స్‌ ఇండియా ప్రైవేటు లిమిటెడ్‌ (సీపీఐపీఎల్‌) సంస్థకు చెందిన మూడు కార్యాలయాల్లో సోదాలు నిర్వహించినట్లు ఈడీ వెల్లడించింది. గరెనా ఫ్రీ ఫైర్‌, తీన్‌ పట్టీ గోల్డ్‌, కాల్‌ ఆఫ్‌ డ్యూటీ వంటి మొబైల్‌ గేములను నిర్వహించే ఆ సంస్థ అనధికారికంగా రూ.2,850 కోట్లను సేకరించిందని, అందులో రూ.2,265 కోట్లను దేశం వెలుపలికి (సింగపూర్‌కు) తరలించిందని తెలిపింది. మిగిలిన స్వల్ప మొత్తాన్ని సాధారణ లాభాలు చూపించేందుకు, పన్నులు చెల్లించేందుకు దేశంలో ఉంచిందని వివరించింది. కంపెనీపై పలు ఎఫ్‌ఐఆర్‌లు దాఖలైన నేపథ్యంలో మనీ లాండరింగ్‌ కేసు నమోదు చేసినట్లు ఈడీ చెప్పింది.