Viral news: జీవన పోరాటం.. ఒళ్లు గగుర్పొడిచే ప్రమాదం!

ఇంటర్నెట్‌డెస్క్‌: ‘కూటి కోసం కోటి విద్యలు’ అన్నట్లు ఆకలి తీర్చుకోవడానికి ఒక్కొక్కరు ఒక్కో మార్గాన్ని అనుసరిస్తుంటారు. కొందరు శ్రమజీవులు తమ ప్రాణాలను పణంగా పెట్టి మరీ ఆకలి బాధను తీర్చుకుంటారు. ఆ కోవకు చెందివారే సర్కస్‌ కళాకారులు. ఏ మాత్రం ఏమరుపాటుగా ఉన్నా.. ఊహించని సంఘటన ఎదురైతే ఇక వాళ్ల పని అంతే. ఒళ్లు గగుర్పొడిచే అలాంటి వీడియో ఒకటి ప్రస్తుతం సామాజిక మాధ్యమాల్లో వైరల్‌ అవుతోంది.  పొడవాటి స్తంభంపైకి ఎక్కిన వ్యక్తి.. విన్యాసంలో భాగంగా కాళ్లకు తాడు కట్టుకొని, రెండు చేతులూ వదిలేసి కిందికి దూకాడు. అంతలోనే ఆ స్తంభం విరిగిపోయింది. దీంతో అమాంతం నేలపై కూలబడిపోయాడు. ఆ వీడియో చూస్తే ఒక్కసారిగా మన గుండెలు జారిపోయినట్లనిపిస్తోంది. ఆ శ్రమ జీవికి ప్రాణాపాయం సంభవించనప్పటికీ.. చిన్నపాటి గాయాలైనట్లు తెలుస్తోంది. అయితే, ఈ ప్రమాదం ఎక్కడ జరిగిందన్నదానిపై స్పష్టత లేదు.