Ambulance: ప్రజల్లో గందరగోళం..! అక్కడి అంబులెన్సులకు కొత్త సైరన్
మణిపుర్లోని అంబులెన్సులు.. పోలీసులు, ఇతర దర్యాప్తు ఏజెన్సీలు ఉపయోగించని ప్రత్యేకమైన సైరన్ శబ్దాలను ఉపయోగించాలని అక్కడి ప్రభుత్వం ఆదేశించింది.
ఇంఫాల్: ఈశాన్య రాష్ట్రం మణిపుర్ (Manipur)లో ఉద్రిక్తతలు కొనసాగుతూనే ఉన్నాయి! ఈ క్రమంలోనే రాష్ట్ర ప్రభుత్వం కీలక ఆదేశాలు జారీ చేసింది. స్థానికంగా అంబులెన్సు (Ambulances)లు, ఇతర వాహనాలు.. పోలీసులు, ఇతర దర్యాప్తు ఏజెన్సీలు ఉపయోగించని ప్రత్యేకమైన సైరన్ను వాడాలని సూచించింది. రాష్ట్రంలోని ప్రస్తుత సున్నిత పరిస్థితులను పరిగణనలోకి తీసుకుని, శాంతిభద్రతలను సమర్థంగా నిర్వహించేందుకుగానూ ఈ చర్య తీసుకున్నట్లు ప్రభుత్వం పేర్కొంది.
‘‘మణిపుర్లో అంబులెన్సులు, పోలీసులు, ఇతర దర్యాప్తు సంస్థల వాహనాలు ఉపయోగించే సైరన్ శబ్దం ఒకే విధంగా ఉంది. రాష్ట్రంలోని ప్రస్తుత శాంతిభద్రతల పరిస్థితులను పరిగణనలోకి తీసుకుంటే.. ఇది ప్రజల్లో తీవ్ర గందరగోళానికి కారణమవుతోంది. భయాందోళనలను సృష్టిస్తోంది. ఈ నేపథ్యంలోనే అంబులెన్సులు, ఇతర వాహనాల సైరన్ శబ్దం.. పోలీసు, దర్యాప్తు ఏజెన్సీల వాహనాల్లో వినియోగించే వాటి విధంగా ఉండకూడదు’’ అని రాష్ట్ర హోంశాఖ పేరిట ప్రకటన వెలువడింది.
‘భద్రతాబలగాలపై దాడిలో.. విదేశీ కిరాయి సైనికుల హస్తం..!’
జాతుల మధ్య ఘర్షణతో అట్టుడికిన మణిపుర్లో ఇటీవల మరోసారి హింస చెలరేగిన విషయం తెలిసిందే. వేర్వేరు ఘటనల్లో పౌరులు, భద్రతాబలగాలపై కాల్పులు జరిగాయి. ఈ ఘటనలతో థౌబాల్, ఇంఫాల్ తూర్పు, ఇంఫాల్ పశ్చిమ, కాక్చింగ్, బిష్ణుపుర్ జిల్లాల్లో ప్రభుత్వం కర్ఫ్యూ విధించింది.
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
అమెరికా విద్యార్థి వీసా ప్రక్రియ షురూ.. గతేడాది కంటే ఎక్కువ!
గతేడాది రికార్డు స్థాయిలో విద్యార్థి వీసాలు జారీ చేయగా.. ఈసారి కూడా ఆ సంఖ్య అంతకంటే ఎక్కువగా ఉండే అవకాశం ఉందని అమెరికా రాయబార కార్యాలయం అంచనా వేసింది. -
నా హెల్పింగ్ హ్యాండ్ ఇదే.. నవ్వులు పూయిస్తోన్న మంత్రి పోస్టు
నాగాలాండ్ మంత్రి తెమ్జెన్ ఇమ్నా అలోంగ్(Temjen Imna Along) మరోసారి ఒక ఫన్నీ పోస్టుతో నెట్టింట్లో దర్శనమిచ్చారు.
తాజా వార్తలు (Latest News)
-
నేటి రాశి ఫలాలు.. 12 రాశుల ఫలితాలు ఇలా... (14/06/24)
-
భారత్ గురించి మరింత తెలుసుకోవాలని ఉందట..! చైనాలో ఆసక్తికర సర్వే
-
రాశీఖన్నా ‘మోస్ట్ పాపులర్’.. వైరల్గా దిల్ రాజు ఫ్యామిలీ టూర్ స్టిల్స్
-
అమెరికా విద్యార్థి వీసా ప్రక్రియ షురూ.. గతేడాది కంటే ఎక్కువ!
-
రోహిత్ శర్మది, నాది ఒకే స్కూల్: అమెరికా క్రికెటర్
-
ఆ పోస్టర్లో మా నాన్నను చూస్తే భయమేసింది: వరుణ్ తేజ్