Justin Trudeau : కెనడా ప్రధాని విమానంలో సాంకేతిక లోపం.. ఈ రాత్రికి భారత్‌లోనే బస!

దిల్లీ : భారత దేశ రాజధాని దిల్లీలో నిర్వహించిన జీ-20 సదస్సుకు కెనడా ప్రధాని జస్టిన్‌ ట్రూడో (Justin Trudea) హాజరయ్యారు. సదస్సు ముగిసిన నేపథ్యంలో ఆయన తిరుగు ప్రయాణం కావాల్సి ఉంది. అయితే విమానంలో (Plane) సాంకేతిక లోపం తలెత్తడంతో కెనడా ప్రధానితో సహా ఆ దేశ ప్రతినిధులంతా ఈ రాత్రికి భారత్‌లోనే బస చేయనున్నారు. ‘మేము విమానాశ్రయానికి బయలుదేరిన సమయంలో సీఎఫ్‌సీ001 విమానంలో సాంకేతిక సమస్య తలెత్తినట్లు కెనడియన్‌ ఆర్మ్‌డ్‌ ఫోర్స్‌ ద్వారా సమాచారం అందింది. ఆ సమస్యను రాత్రి పూట పరిష్కరించడం సాధ్యం కాదు. ప్రత్యామ్నాయ ఏర్పాట్లు అయ్యే వరకు మా బృందం భారత్‌లోనే ఉంటుందని’ కెనడా ప్రధాని కార్యాలయం ఒక ప్రకటన విడుదల చేసింది. షెడ్యూల్ ప్రకారం విమానం రాత్రి 8 గంటలకు టేకాఫ్‌ కావాల్సి ఉంది. కాగా, జీ-20 శిఖరాగ్ర సదస్సులో పాల్గొనేందుకు ట్రూడో శుక్రవారం దిల్లీ చేరుకున్నారు. 

కెనడాలో ‘ఖలిస్థానీ’ నిరసనలు.. ప్రధాని ట్రూడో ఏమన్నారంటే!