modi: నేటి సాయంత్రంప్రధాని కీలక భేటీ..

ఇంటర్నెట్‌డెస్క్‌: దేశంలో కొవిడ్‌ పరిస్థితిపై నేటి సాయంత్రం 4.30 గంటలకు ప్రధాని నరేంద్ర మోదీ కీలక భేటీ నిర్వహించనున్నట్లు సమాచారం. గత కొన్ని రోజులుగా దేశంలో కొవిడ్‌ కేసులు విపరీతంగా పెరుగుతుండటంతో తీసుకోవాల్సిన చర్యలపై ప్రధాని సమీక్షించనున్నారు. కొవిడ్‌పై డిసెంబర్‌ 24న ప్రధాని చివరిసారి భేటీ నిర్వహించారు. థర్డ్‌వేవ్‌ వస్తోన్న సమయంలో ప్రజలు అప్రమత్తంగా ఉండాలని ఆయన సూచించారు.

ఆ తర్వాత నుంచి దేశంలో కొత్త కేసులు రోజుకు లక్షకుపైగా నమోదవుతున్నాయి. ఇక క్రియాశీల కేసులు ఆరు లక్షలకు చేరుకున్నాయి. ఈ క్రమంలో వేల సంఖ్యలో డాక్టర్లు, ఆరోగ్య సిబ్బంది కూడా కొవిడ్‌బారిన పడ్డారు. ఈ క్రమంలో యూపీ సహా ఐదు రాష్ట్రాల్లో ఎన్నికల నగార మోగడంతో తీసుకోవాల్సిన చర్యలపై కూడా చర్చించే అవకాశం ఉంది.  

గడిచిన 24 గంటల్లో 1.60 లక్షల కొత్త కేసులు వెలుగులోకి రావడం వైరస్‌ తీవ్రతను తెలియజేస్తోంది. ఇక పాజిటివిటీ రేటు 10.21 శాతానికి చేరడం ఆందోళన కలిగిస్తోంది. మరోమైపు కొత్త వేరియంట్‌ ఒమిక్రాన్‌ కేసులు కూడా వేగంగా పెరుగుతున్నాయి.