యూట్యూబ్‌ చూస్తూ గర్భస్రావానికి యత్నం.. ఆసుపత్రిపాలైన అత్యాచార బాధితురాలు

నాగ్‌పుర్‌: అత్యాచార ఫలితంగా గర్భం దాల్చిన ఒక మహిళ (25).. యూట్యూబ్‌ వీడియోలు చూస్తూ సొంతంగా గర్భస్రావానికి ప్రయత్నించి, ప్రాణాల మీదకు తెచ్చుకుంది. ఆమెను హుటాహుటిన ఆసుపత్రిలో చేర్చారు. మహారాష్ట్రలోని నాగ్‌పుర్‌లో ఈ ఘటన జరిగింది. ఈ నేపథ్యంలో.. ఆమెపై అత్యాచారానికి పాల్పడ్డ షోయబ్‌ ఖాన్‌ను పోలీసులు అరెస్టు చేశారు. అతడిపై రేప్‌ సహా పలు అభియోగాల కింద కేసు నమోదు చేశారు. ‘‘పెళ్లి చేసుకుంటానని నమ్మించి, 2016 నుంచి షోయబ్‌ తనపై అత్యాచారానికి పాల్పడుతున్నాడని బాధితురాలు చెప్పింది. ఆమె గర్భం దాల్చడంతో.. యూట్యూబ్‌ వీడియోలు చూసి, అబార్షన్‌కు ప్రయత్నించాలని, వాటిలో సూచించిన మందులను వాడాలని అతడు సలహా ఇచ్చాడు’’ అని పోలీసు అధికారులు తెలిపారు.