Updated : 21 Jan 2022 19:29 IST

RRR: ‘ఆర్‌ఆర్‌ఆర్‌’ నుంచి బిగ్‌ అప్‌డేట్‌.. సినిమా విడుదల ఎప్పుడంటే?

హైదరాబాద్‌: భారతీయ సినీ అభిమానులు ఎప్పుడెప్పుడా అని ఎదురుచూస్తున్న చిత్రం ‘ఆర్‌ఆర్‌ఆర్‌’. ఎస్‌.ఎస్‌. రాజమౌళి దర్శకత్వంలో తెరకెక్కిన ఈ చిత్రంలో ఎన్టీఆర్‌-రామ్‌చరణ్‌ కలిసి నటించారు. సంక్రాంతి సందర్భంగా జనవరి 7న పాన్‌ ఇండియాగా విడుదల కావాల్సిన చిత్రం కరోనా కారణంగా వాయిదా పడిన విషయం తెలిసిందే. అయితే, తాజాగా ఈ సినిమా విడుదలపై చిత్రబృందం బిగ్‌ అప్‌డేట్‌ ఇచ్చింది. కరోనా పరిస్థితులు సద్దుమణిగితే ఈ ఏడాది మార్చి 18న ‘ఆర్‌ఆర్‌ఆర్‌’ను విడుదల చేసేందుకు సిద్ధంగా ఉన్నట్లు ప్రకటించారు. ఆ రోజున కుదరని పక్షంలో ఏప్రిల్‌ 28న విడుదల చేస్తామని వెల్లడించింది. చిత్రబృందం తాజా ప్రకటనతో ఎన్టీఆర్‌, మెగా అభిమానులు ఆనందం వ్యక్తం చేస్తున్నారు.  

స్వాతంత్ర్య పోరాట కాలంలో విప్లవ వీరులు అల్లూరి సీతారామరాజు, కొమురం భీమ్‌లు కలుసుకుంటే ఎలా ఉంటుంది?ఏ విధంగా బ్రిటిష్ వారిపై పోరాటం చేశారనే ఫిక్షనల్‌ కథతో ‘ఆర్ఆర్‌ఆర్‌’ను తెరకెక్కించారు దర్శకుడు రాజమౌళి. రూ.400కోట్ల బడ్జెట్‌తో తెరకెక్కిన ఈ చిత్రంలో అజయ్‌ దేవ్‌గణ్‌, అలియా భట్‌, ఓలివియా మోరిస్‌, సముద్రఖని, అలీసన్‌ డూడీ రే స్టీవెన్‌సన్‌, శ్రియ తదితరులు కీలక పాత్రలు పోషించారు. డీవీవీ ఎంటర్‌టైన్‌మెంట్‌ పతాకంపై డీవీవీ దానయ్య నిర్మిస్తున్న ‘ఆర్‌ఆర్‌ఆర్‌’కు కీరవాణి మ్యూజిక్‌ డైరెక్టర్‌. తెలుగు, తమిళ, హిందీ, కన్నడ, మలయాళ భాషల్లో ఈ సినిమాను విడుదల చేయనున్నారు.



Read latest Latest News and Telugu News

 Follow us on Facebook, Twitter, Instagram, Koo, ShareChat and Google News.

Tags :

మరిన్ని

జిల్లా వార్తలు

సినిమా

మరిన్ని

బిజినెస్

మరిన్ని

క్రీడలు

మరిన్ని

పాలిటిక్స్

మరిన్ని

వెబ్ ప్రత్యేకం

మరిన్ని

జాతీయం

మరిన్ని