90s web series review: శివాజీ నటించిన ‘#90s’ వెబ్సిరీస్ ఎలా ఉందంటే..!
శివాజీ ప్రధానపాత్రలో నటించిన వెబ్సిరీస్ ‘#90s: ఏ మిడిల్ క్లాస్ బయోపిక్’. ఈటీవీ విన్లో స్ట్రీమింగ్ అవుతోన్న ఈ సిరీస్ ఎలా ఉందంటే!
90s web series review: వెబ్సిరీస్: 90s: ఏ మిడిల్ క్లాస్ బయోపిక్; నటీనటులు: శివాజీ, వాసుకి, మౌళి, వాసంతిక, రోహన్ రాయ్, స్నేహల్ తదితరులు; సంగీతం: సురేష్ బొబ్బలి; ఎడిటింగ్: శ్రీధర్ సోంపల్లి; సినిమాటోగ్రఫీ: అజాజ్ మహ్మద్; నిర్మాత: రాజశేఖర్ మేడారం; రచనం, దర్శకుడు: ఆదిత్య హాసన్
శివాజీ (Sivaji), వాసుకీ (Vasuki) ఆనంద్ సాయి కీలక పాత్రల్లో నటించిన వెబ్సిరీస్ ‘#90s: ఏ మిడిల్ క్లాస్ బయోపిక్’. ప్రచార చిత్రాలతో ఆసక్తిని పెంచిన ఈ సిరీస్ ఈటీవీ విన్ వేదికగా స్ట్రీమింగ్ అవుతోంది. మరి కథేంటి? లెక్కల మాస్టార్గా శివాజీ ఎలా నటించారు?
కథేంటంటే: చంద్రశేఖర్ (శివాజీ) ప్రభుత్వ పాఠశాలలో లెక్కల మాస్టర్. ఆయనకు భార్య రాణి (వాసుకీ ఆనంద్ సాయి), పిల్లలు రఘు తేజ (మౌళి తనూజ్ ప్రశాంత్), దివ్య (వాసంతిక), ఆదిత్య (రోహన్ రాయ్) ఉన్నారు. ప్రతిదీ లెక్క పెట్టుకుని ఖర్చు చేసే మనస్తత్వం ఉన్న చంద్రశేఖర్.. పిల్లల చదువు విషయంలోనూ అంతే కఠినంగా ఉంటాడు. రఘు, దివ్య బాగానే చదువుతున్నా.. నూటికి నూరు మార్కులు రావాలంటాడు. ఆదిత్యకు చదువు సరిగా అబ్బదు.(90s web series review). పదో తరగతి చదువుతున్న రఘుకు.. జిల్లా ఫస్ట్ ర్యాంక్ వస్తుందని తండ్రి ఆశిస్తాడు. మరి ఆ రికార్డు సాధించాడా? క్లాస్మేట్ సుచిత్ర (స్నేహాల్ కామత్), రఘు మధ్య ఏం జరిగింది? మధ్య తరగతి కుటుంబంలో పిల్లలు, పెద్దల ఆలోచనలు ఎలా ఉన్నాయి? ర్యాంకుల కోసం ప్రైవేటు స్కూల్స్ పిల్లలపై ఎలాంటి ఒత్తిడి తెస్తున్నాయి? వాటిని తట్టుకోలేక చిన్నారులు పడే మనోవేదన ఏంటి?.. తెలియాలంటే సిరీస్ చూడాల్సిందే!
ఎలా ఉందంటే: ప్రతి ఒక్కరి జీవితంలో బాల్యం, కౌమర దశలు మర్చిపోలేని అనుభూతులను ఇస్తాయి. ఇప్పుడంటే అందరి చేతుల్లోనూ స్మార్ట్ఫోన్ ఉంది. కానీ, రెండు దశాబ్దాల క్రితం పరిస్థితులు ఇలా లేవు. ఒకరినొకరు పలకరించుకోవాలంటే ల్యాండ్ఫోన్లు, ఉత్తరాలు, గ్రీటింగ్ కార్డులు తప్ప మరోమార్గం లేదు. ఇక ఇంటికి చుట్టాలొస్తే పిల్లలకు పండగే. అలాంటి ఎన్నో అందమైన అనుభూతులను సొంతం చేసుకున్న 90వ దశకం పిల్లల జ్ఞాపకాలను.. అంతే అందంగా తెరపై ఆవిష్కరించడంలో దర్శకుడు ఆదిత్య హాసన్ విజయం సాధించారు. ఆరు ఎపిసోడ్స్ కలిగిన ఈ వెబ్సిరీస్తో ప్రేక్షకులను ఆనాటి రోజుల్లోకి తీసుకెళ్లి.. మళ్లీ ఆ మధుర స్మృతులను గుర్తు చేశారు. సిరీస్ ప్రారంభంలో ‘మిడిల్క్లాస్ లైఫ్స్టైల్లో పెద్ద కష్టాలు, కాన్ఫ్లిక్ట్లు ఏమీ ఉండవు. ఇది పెద్ద కథేం కాదు. కేవలం మన అనుభవాలు మాత్రమే. అంచనాలు పెట్టుకోకుండా చూసేయండి’ అని రఘుతేజ చెబుతాడు. అన్నట్లుగానే సిరీస్ మొత్తం అలా చూస్తూ వెళ్లిపోతాం. మరీ ముఖ్యంగా మనం 90ల నాటి పిల్లలమైతే ఇంకా బాగా కనెక్ట్ అవుతాం (90s web series review telugu).
చంద్రశేఖర్ వ్యవహారశైలి, భార్య, పిల్లల మనస్తత్వాలను పరిచయం చేస్తూ మొదలైన సిరీస్ ఆద్యంతం అంతే ఆసక్తిగా సాగుతుంది. మన ఇంటికి మావయ్యో, తాతయ్యో వచ్చి వెళ్లేటప్పుడు ఏమైనా కొనుక్కోమని డబ్బులు ఇవ్వటం, క్రికెట్లో బెట్టింగ్ కట్టి ఓడిపోతే ఆ డబ్బులు పోగేసేందుకు చేసే ప్రయత్నాలు, పిల్లలు సరిగా చదవడం లేదని కేబుల్ టీవీ కనెక్షన్ తీయించే తల్లిదండ్రులు, ఇతరుల పిల్లలు బాగా చదువుతున్నారని మన తల్లిదండ్రులు పెట్టే పోలికలు ఇలా ప్రతి సగటు మనిషి జీవితంలో జరిగిన సంఘటనలను హృద్యంగా చూపించారు. ఇక పదో తరగతి వచ్చే సరికి పిల్లల్లో ఏర్పడే ఆకర్షణలను చూపించిన తీరు.. నవ్వులు పంచుతూనే అందంగా ఉంది. ఇలా చెప్పుకొంటూ పోతే ఎన్నో జ్ఞాపకాల దొంతరలు కనిపిస్తూనే ఉంటాయి. ఇది పూర్తయిన తర్వాత ఒంటరిగా కూర్చొంటే మన బాల్యం కళ్ల ముందు ఫ్లాష్ అవుతుందంటే దర్శకుడు మనల్ని సిరీస్కు ఎంతలా కనెక్ట్ చేశాడో అర్థం చేసుకోవచ్చు.
ఎవరెలా చేశారంటే: లెక్కల మాస్టార్గా చంద్రశేఖర్ పాత్రలో శివాజీ ఒదిగిపోయాడు. బిగ్బాస్తో కొత్త జర్నీ మొదలు పెట్టిన ఆయన.. ఇప్పుడు వెబ్సిరీస్తో సరికొత్తగా మళ్లీ ట్రాక్ ఎక్కారు. ఒకరకంగా మధ్యతరగతి తండ్రికి కేరాఫ్ అడ్రస్గా నిలిచారు. గృహిణి రాణిగా వాసుకీని చూస్తే 90లలో పిల్లలకు తమ తల్లి గుర్తుకు వస్తుంది. రఘు పాత్రలో మౌళి నటన సహజంగా ఉంది. వాసంతి, స్నేహాల్ కామత్ చక్కగా నటించారు. ఆదిత్యగా నటించిన రోహన్ క్యారెక్టర్ నవ్వులు పంచుతుంది. సాంకేతికంగా సిరీస్ బాగుంది. సంగీతం, ఎడిటింగ్, సినిమాటోగ్రఫీ అన్నీ చక్కగా కుదిరాయి. అప్పటి పరిస్థితులను ఆవిష్కరించడానికి టీమ్ పడిన కష్టం స్క్రీన్పై కనిపిస్తుంది. ‘పిల్లలు ప్రయత్నిస్తున్నప్పుడు ప్రోత్సహించని పేరెంట్స్, టీచర్లు, వాళ్లు కష్టపడి సాధించిన తర్వాత ప్రశంసించే హక్కు కోల్పోతారు’ వంటి సంభాషణలు బాగున్నాయి. దర్శకుడు ఆదిత్య హాసన్ ప్రతి ఒక్కరికీ అందమైన జ్ఞాపకాలను అందించారు.
ఫ్యామిలీతో చూడొచ్చా: నూటికి నూరు పాళ్లు కుటుంబమంతా కలిసి చూసే వెబ్సిరీస్ ఇది. కుదిరితే మీ పిల్లలు, తల్లిదండ్రులతో కలిసి చూడండి. ఈటీవీ విన్లో (ETV Win) స్ట్రీమింగ్ అవుతోంది.
బలాలు
+ నటీనటులు
+ కథ, దర్శకత్వం
+ సాంకేతిక విభాగం పనితీరు
బలహీనతలు
- అక్కడక్కడా నెమ్మదిగా సాగే కథనం
చివరిగా: అందమైన అనుభూతులను ఇచ్చే ‘#90s: ఏ మిడిల్ క్లాస్ బయోపిక్’
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
‘నా ప్రత్యర్థి మోదీ.. సీఎం కాదు’: హిమంతకు ఖర్గే కౌంటర్
-
ఇండస్ట్రీలో ఆ హీరోయిన్స్ తక్కువ.. ఆ ఖాళీని భర్తీ చేయాలనుకుంటున్నా!
-
‘కల్కి 2898 ఏడీ’ వాయిదా.. కొత్త రిలీజ్ డేట్ ఇదే
-
‘అప్పుడు ఆత్మహత్య చేసుకోవాలనుకున్నా’: బైడెన్
-
నక్కపల్లి వద్ద ఘోర ప్రమాదం: ముగ్గురి మృతి
-
అమెజాన్ గ్రేట్ సమ్మర్ సేల్ తేదీలు వచ్చేశాయ్.. ఈ ఫోన్లపై డిస్కౌంట్