Ambajipeta Marriage Band Review: రివ్యూ: అంబాజీపేట మ్యారేజి బ్యాండు
Ambajipeta Marriage Band Review; సుహాస్ కీలక పాత్రలో దుష్యంత్ దర్శకత్వంలో తెలుగు కామెడీ డ్రామా అంబాజీపేట మ్యారేజి బ్యాండు ఎలా ఉందంటే?
Ambajipeta Marriage Band Review| చిత్రం: అంబాజీ పేట మ్యారేజి బ్యాండు; నటీనటులు: సుహాస్, శివానీ నగారం, గోపరాజు రమణ, స్వర్ణకాంత్, నితిన్ ప్రసన్న, వినయ్ మాధవ్, జదీప్ ప్రతాప్, శరణ్య ప్రదీప్; సంగీతం: శేఖర్ చంద్ర; సినిమాటోగ్రఫీ: వాజిద్ బేగ్; ఎడిటింగ్: కోదాటి పవన్ కల్యాణ్; నిర్మాత: ధీరజ్ మొగిలినేని, బన్నీవాస్, వెంకటేశ్ మహా (సమర్పణ); రచన, దర్శకత్వం: దుష్యంత్; విడుదల: 02-02-2024
చిన్న పాత్రలతో మొదలుపెట్టి కథానాయకుడిగా ఎదిగిన నటుడు సుహాస్. ‘కలర్ఫొటో’, ‘రైటర్ పద్మభూషణ్’ చిత్రాలు మంచి గుర్తింపుని తీసుకొచ్చాయి. కథల ఎంపికలో ప్రత్యేక పంథా కూడా కనిపించింది. ఇటీవల ఆయన కథానాయకుడిగా తెరకెక్కిన మరో చిత్రమే... ‘అంబాజీపేట మ్యారేజి బ్యాండు’. జీఏ 2 పిక్చర్స్ నిర్మాణంలో భాగస్వామి కావడం... ప్రచార చిత్రాలు కూడా ఆసక్తిని రేకెత్తించడంతో సినిమాకి మంచి ప్రచారమే లభించింది. (Ambajipeta Marriage Band Review) మరి చిత్రం ఎలా ఉంది?ఈ బ్యాండు సంగతి ఏంటి?
కథేంటంటే: అంబాజీపేట మ్యారేజీ బ్యాండులో ఓ సభ్యుడు మల్లి (సుహాస్). చిరతపూడిలో తన కుటుంబంతో కలిసి నివసిస్తుంటాడు. అక్క పద్మ (శరణ్య ప్రదీప్) ఆ ఊరి స్కూల్లో టీచర్గా పనిచేస్తుంటుంది. ఊరి మోతుబరి వెంకట్బాబు (నితిన్ ప్రసన్న) వల్లే పద్మకి ఉద్యోగం వచ్చిందని, వాళ్లిద్దరి మధ్య అక్రమ సంబంధం ఉందనే ఓ పుకారు మొదలవుతుంది. ఇంతలో వెంకట్బాబు చెల్లెలు లక్ష్మి (శివాని నాగారం), మల్లి ప్రేమలో పడతారు. వెంకట్బాబు తమ్ముడికీ, మల్లికీ మధ్య ఊళ్లో గొడవ, ఆ తర్వాత స్కూల్ విషయంలో పద్మకీ, వెంకట్బాబుకీ మధ్య వైరం మొదలవుతుంది. అవి చిలికి చిలికి గాలివానలా మారతాయి. ఇంతలో మల్లి, లక్ష్మిల మధ్య ప్రేమ సంగతి కూడా బయట పడుతుంది. ఎలాగైనా ఆ కుటుంబంపై ప్రతీకారం తీర్చుకోవాలని ఓ రోజు వెంకట్బాబు... రాత్రివేళలో పద్మని స్కూల్కి పిలిపించి అవమానిస్తాడు. ఆ తర్వాత ఏం జరిగింది?మల్లి, లక్ష్మిల ప్రేమకథ ఎలాంటి మలుపు తీసుకుందనే విషయాల్ని తెరపై చూడాల్సిందే.
ఎలా ఉందంటే: సమాజంలోని అంతరాలు, పరువు, ప్రేమ నేపథ్యంలో సాగే సినిమాలు ఈ మధ్య తరచూ రూపొందుతున్నాయి. తమిళంలో అయితే వీటి ప్రభావం చాలా గట్టిగా ఉంది. తెలుగు దర్శకులూ ఈ మధ్య మన మూలాల్లోకి వెళ్లి అలాంటి కథల్ని తెరపై ఆవిష్కరించే ప్రయత్నం చేస్తున్నారు. విజయాల్నీ అందుకుంటున్నారు. ఆ తరహా మరో ప్రయత్నమే ఇది. (Ambajipeta Marriage Band Review) ఓ అబ్బాయి, అమ్మాయి మధ్య ప్రేమే ఈ కథకి ముఖ్యమైతే ఇదొక సాధారణమై ప్రయత్నమే అయ్యుండేది. కానీ దర్శకుడు తెలివిగా ప్రేమకథని మించి, ఆత్మాభిమానం అనే అంశాన్నీ బలంగా చెప్పే ప్రయత్నం చేశాడు. అది ఈ సినిమాని ప్రత్యేకంగా నిలిపింది.
మల్లి, లక్ష్మిల ప్రేమకథతో మొదలయ్యే కథ ప్రారంభమైన కొద్దిసేపటికే ఆ ఊరు చిరతపూడి ప్రేక్షకుల్ని తీసుకెళ్లి అందులో ఓ పాత్రలా మారుస్తుంది. సహజమైన సన్నివేశాలు, పాత్రల తీరుతెన్నులు, సంభాషణలు అంతగా ప్రభావం చూపిస్తాయి. ప్రేమకథలో కొత్తదనమేమీ లేదు కానీ... 2007 నాటి వాతావరణం, అప్పుడప్పుడే సెల్ఫోన్లు వస్తున్న ఆ కాలం నాటి ప్రేమలేఖల నేపథ్యంతో సినిమా సరదా సరదాగా సాగుతుంది. మరోవైపు కులాల మధ్య అంతరాల్ని, ఆర్థిక అసమానతల్నీ సహజంగా ఆవిష్కరిస్తూ కథతో కనెక్ట్ చేశాడు దర్శకుడు. విరామం ముందు నుంచి కథ మరో మలుపు తీసుకుంటుంది. అప్పటిదాకా ప్రేమకథే కీలకం కాగా, ఆ తర్వాత నుంచి ఆత్మాభిమానం అంశం ప్రధానంగా మారుతుంది.
ద్వితీయార్ధం మల్లి, అతని కుటుంబం చేసే పోరాటం చుట్టూనే సాగుతుంది. కథ ఊహకు తగ్గట్టే సాగుతున్నా, బలమైన సన్నివేశాలతోనూ, డ్రామాతోనూ ప్రభావం చూపించాడు దర్శకుడు. పోలీస్ స్టేషన్లో సాగే సన్నివేశాలు... ప్రేమ ప్రాణాల మీదకు తేకూడదు అంటూ మల్లి, లక్ష్మి తీసుకునే నిర్ణయం, ఆ నేపథ్యంలో పండే భావోద్వేగాలు చిత్రానికి ప్రధానబలం. పతాక సన్నివేశాలు కూడా ఆకట్టుకుంటాయి. అక్కడక్కడా కొన్ని సన్నివేశాలు నాటకీయంగా, ఎక్కువ స్వేచ్ఛని తీసుకుని మలిచినట్టు అనిపించినా సినిమా మాత్రం ప్రేక్షకులపై బలమైన ప్రభావమే చూపిస్తుంది.
ఎవరెలా చేశారంటే: పాత్రలే తప్ప నటులు కనిపించరనే విషయాన్ని రుజువు చేస్తుందీ చిత్రం. నటులు ఆయా పాత్రల్లో అలా ఒదిగిపోయారు. మల్లి పాత్రకి సుహాస్ సరైన ఎంపిక అనిపిస్తుంది. ప్రథమార్ధంలో అబ్బాస్ కటింగ్తో కనిపిస్తూ నవ్వించిన అతడు, ద్వితీయార్ధంలో గుండుతో కనిపిస్తూ ఎంతో సహజంగా నటించాడు. భావోద్వేగ ప్రధానమైన సన్నివేశాల్లో అతడి నటన మనసుల్ని హత్తుకుంటుంది. శివానీ నాగారం... లక్ష్మి పాత్రకి పూర్తిగా న్యాయం చేసింది. శరణ్య ప్రదీప్ ఈ సినిమాకి మరో హీరో. ఆమె పాత్రని డిజైన్ చేసిన తీరు, అందులో ఆమె నటించిన విధానం సినిమాకే హైలైట్. అన్నదమ్ములుగా నటించిన నితిన్, వినయ మహాదేవ్, హీరోకి స్నేహితుడిగా కనిపించే జగదీష్ బండారి పాత్రలు ఆకట్టుకుంటాయి.
సాంకేతిక విభాగాలన్నీ మంచి పనితీరుని కనబరిచాయి. శేఖర్ చంద్ర పాటలు, నేపథ్య సంగీతం, వాజిద్ బేగ్ తన కెమెరాతో చిరతపూడి ఆవిష్కరించిన తీరు సినిమాకి ప్రధానబలం. ఎడిటింగ్, బలమైన రచన సినిమా గమనాన్నే మార్చేశాయి. దర్శకుడు దుష్యంత్ వాణిజ్యాంశాల కోసమని కథ నుంచి పక్కకు వెళ్లకుండా నిజాయతీగా కథని చెప్పే ప్రయత్నం చేయడం సినిమాకి కలిసొచ్చింది. ‘ఆడదాని వెంట పడటం కాదు, వెనక ఉండటం మగతనం’, ‘ఓ ప్రాణం భూమ్మీదకి రావడానికి కూడా పది నెలలు పడుతుంది, అలాంటిది నిన్న ఉన్న మనిషిని ఈ రోజు లేకుండా చేశావంటూ’ సాగే సంభాషణలు మనసుల్ని తాకుతాయి. చాలా విషయాల్ని హార్డ్ హిట్టింగ్గా చెప్పడంలో దర్శకుడు విజయవంతమయ్యాడు. మేకింగ్ పరంగానూ ఎంతో పరిణతి కనిపిస్తుంది. నిర్మాణం ఉన్నతంగా ఉంది.
- బలాలు
- + కథ, నేపథ్యం
- + భావోద్వేగాలు
- + సుహాస్, శరణ్య నటన
- బలహీనతలు
- - ప్రేమ సన్నివేశాలు
- చివరిగా: అంబాజీపేట మ్యారేజీబ్యాండు... మనసుల్ని గెలిచే సౌండు..
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: క్రాక్.. విద్యుత్ జమ్వాల్ స్పోర్ట్స్ యాక్షన్ ఫిల్మ్ ఎలా ఉందంటే?
విద్యుత్ జమ్వాల్ నటించిన స్పోర్ట్స్ యాక్షన్ మూవీ ‘క్రాక్’. ఓటీటీ ‘డిస్నీ+ హాట్స్టార్’లో స్ట్రీమింగ్ అవుతోంది. -
రివ్యూ: రత్నం.. విశాల్ నటించిన యాక్షన్ డ్రామా మెప్పించిందా?
Rathnam movie review: విశాల్ కథానాయకుడిగా హరి దర్శకత్వంలో వచ్చిన యాక్షన్ ఫిల్మ్ తెలుగు ప్రేక్షకులను మెప్పించిందా? -
రివ్యూ: ఆర్టికల్ 370.. యామి గౌతమ్, ప్రియమణి నటించిన పొలిటికల్ థ్రిల్లర్ ఎలా ఉంది?
యామి గౌతమ్, ప్రియమణి నటించిన పొలిటికల్ థ్రిల్లర్ మెప్పించిందా? -
రివ్యూ: మై డియర్ దొంగ.. అభినవ్ గోమఠం నటించిన సినిమా ఎలా ఉందంటే?
అభినవ్ గోమఠం, శాలిని కొండెపూడి ప్రధాన పాత్రల్లో నటించిన చిత్రం ‘మై డియర్ దొంగ’. ఓటీటీ ‘ఆహా’లో విడుదలైన ఈ సినిమా రివ్యూ మీ కోసం.. -
రివ్యూ: సైరెన్.. జయం రవి, కీర్తి సురేశ్ యాక్షన్ థ్రిల్లర్ ఎలా ఉంది?
siren movie review: జయం రవి కథానాయకుడిగా ఆంటోనీ భాగ్యరాజా దర్శకత్వంలో వచ్చిన ‘సైరెన్’ మూవీ తెలుగులో మెప్పించిందా? -
రివ్యూ: పారిజాత పర్వం.. క్రైమ్ కామెడీ థ్రిల్లర్ ఎలా ఉంది?
Paarijatha Parvam Review; చైతన్యరావు, సునీల్, శ్రద్ధాదాస్ కీలక పాత్రల్లో నటించిన క్రైమ్ థ్రిల్లర్ మెప్పించిందా? -
రివ్యూ: ఆట్టం.. మలయాళ సస్పెన్స్ డ్రామా ఎలా ఉంది?
వినయ్, కళాభవన్ షాజాన్, జరీన్ షిహబ్ కీలక పాత్రల్లో నటించిన ‘ఆట్టం’ ఎలా ఉంది? -
రివ్యూ: డియర్.. భార్య గురకపెట్టే కాన్సెప్ట్తో రూపొందిన ఈ మూవీ మెప్పించిందా?
DeAr Movie 2024 Review: జీవీ ప్రకాష్కుమార్, ఐశ్వర్య రాజేశ్ కీలక పాత్రల్లో నటించిన ‘డియర్’ మూవీ మెప్పించిందా? -
రివ్యూ: శ్రీ రంగనీతులు.. సుహాస్, కార్తీక్ రత్నంల కొత్త మూవీ మెప్పించిందా?
sri ranga neethulu review: తాజాగా ప్రేక్షకుల ముందుకు వచ్చిన ‘శ్రీరంగ నీతులు’ మూవీ ఎలా ఉంది? -
రివ్యూ: బడే మియా ఛోటే మియా.. అక్షయ్, టైగర్ ష్రాఫ్ నటించిన యాక్షన్ థ్రిల్లర్ ఎలా ఉంది?
అలీ అబ్బాస్ జాఫర్ దర్శకత్వంలో అక్షయ్, టైగర్ ష్రాఫ్ కీలక పాత్రల్లో నటించిన ‘బడే మియా ఛోటే మియా’ మెప్పించిందా? -
రివ్యూ: గీతాంజలి మళ్ళీ వచ్చింది.. హారర్ కామెడీ థ్రిల్లర్ ఎలా ఉంది?
అంజలి కీలక పాత్రలో నటించిన హారర్ కామెడీ థ్రిల్లర్ ‘గీతాంజలి మళ్ళీ వచ్చింది’ ప్రేక్షకులను మెప్పించిందా? -
రివ్యూ: లవ్గురు.. విజయ్ ఆంటోనీ మూవీ ఎలా ఉంది?
Love Guru Review: విజయ్ ఆంటోని, మృణాళిని రవి కీలక పాత్రల్లో నటించిన న్యూఏజ్ ఫ్యామిలీడ్రామా మెప్పించిందా? -
రివ్యూ: మైదాన్.. అజయ్ దేవ్గణ్ కీలక పాత్రలో నటించిన స్పోర్ట్స్ డ్రామా మెప్పించిందా?
భారత ఫుట్బాల్ కోచ్ అబ్దుల్ సయ్యద్ రహీం జీవిత చరిత్ర ఆధారంగా రూపొందిన ‘మైదాన్’ మూవీ ఎలా ఉంది? -
రివ్యూ: ప్రాజెక్ట్-Z.. సందీప్ కిషన్, లావణ్య త్రిపాఠి సైన్స్ ఫిక్షన్ థ్రిల్లర్ ఎలా ఉంది?
Project Z Movie Review: ఏడేళ్ల కిందట తమిళంలో విడుదలై తాజాగా తెలుగు ప్రేక్షకుల ముందుకు వచ్చిన ‘ప్రాజెక్ట్-Z’ ప్రేక్షకులను మెప్పించిందా? -
రివ్యూ: మంజుమ్మల్ బాయ్స్.. మలయాళ సూపర్హిట్ తెలుగులో ఎలా ఉంది?
మలయాళంలో రూ.200 కోట్లకు పైగా వసూళ్లు సాధించి రికార్డు సృష్టించిన ‘మంజుమ్మల్ బాయ్స్’ మూవీ తెలుగు ప్రేక్షకులకు నచ్చుతుందా? -
రివ్యూ: ఫ్యామిలీస్టార్.. విజయ్ దేవరకొండ ఖాతాలో హిట్ పడిందా?
Family Star Review: విజయ్ దేవరకొండ, మృణాళ్ ఠాకూర్ కీలక పాత్రల్లో నటించిన ‘ఫ్యామిలీస్టార్’ ఎలా ఉందంటే? -
రివ్యూ: టిల్లు స్క్వేర్.. సిద్ధు, అనుపమ జోడీ మేజిక్ చేసిందా?
Tillu Square Review: సిద్ధు జొన్నలగడ్డ, అనుపమ పరమేశ్వర్ జంటగా నటించిన రొమాంటిక్ క్రైమ్ కామెడీ మెప్పించిందా? -
రివ్యూ: ఆడుజీవితం: ది గోట్లైఫ్.. పృథ్వీరాజ్ సుకుమారన్ సర్వైవల్ థ్రిల్లర్ ఎలా ఉంది?
మలయాళ నటుడు పృథ్వీరాజ్ సుకుమారన్, అమలాపాల్ కీలకపాత్రల్లో బ్లెస్సీ తీసిన ‘ఆడు జీవితం’ తెలుగు ప్రేక్షకులను మెప్పించిందా? -
Om Bhim Bush Review; రివ్యూ: ఓం భీమ్ బుష్.. కామెడీ ఎంటర్టైనర్ అలరించిందా?
om bhim bush review: శ్రీ విష్ణు, ప్రియదర్శి, రాహుల్ రామకృష్ణ కీలక పాత్రల్లో నటించిన ‘ఓం భీమ్ బుష్’ ఎలా ఉందంటే? -
ThulasiVanam Review: రివ్యూ: తులసీవనం: మిడిల్క్లాస్ కుర్రాడి బయోపిక్
ఓటీటీ ‘ఈటీవీ విన్’లో విడుదలైన ‘తులసీవనం’ వెబ్సిరీస్ ఎలా ఉందంటే? -
Abraham Ozler review: రివ్యూ: అబ్రహాం ఓజ్లర్.. మలయాళ క్రైమ్ థ్రిల్లర్ ఎలా ఉంది?
Abraham Ozler review: జయరామ్, మమ్ముట్టి కీలక పాత్రల్లో నటించిన ‘అబ్రహాం ఓజ్లర్’ ఎలా ఉందంటే?
తాజా వార్తలు (Latest News)
-
భారత్ ఎన్నికల వేళ పాకిస్థాన్ అక్కసు.. ప్రసంగాల్లో వాళ్లపేరు లాగొద్దట!
-
బిగ్ సేవింగ్ డేస్ సేల్కు సిద్ధమైన ఫ్లిప్కార్ట్.. ఎప్పటినుంచంటే?
-
ఈనాడు.నెట్లో టాప్ 10 వార్తలు @ 9PM
-
మహేశ్ బాబు, మమ్ముట్టి, షారుక్లతో సినిమా.. నెల్సన్ ప్లాన్ ఇదే..
-
టిబెట్ అంశంపై వారితో మాత్రమే చర్చిస్తాం : చైనా
-
ఏడాదికి ‘రెండు సార్లు’ సీబీఎస్ఈ బోర్డు పరీక్షలు.. 2025 నుంచే!