Ranveer Singh: ఇద్దరు రణ్‌వీర్‌ల ‘సర్కస్‌’

రోహిత్‌ శెట్టి దర్శకత్వంలో రణ్‌వీర్‌ సింగ్‌ కథానాయకుడిగా తెరకెక్కుతున్న చిత్రం ‘సర్కస్‌’. పూజా హెగ్డే, జాక్వెలిన్‌ ఫెర్నాండెజ్‌, వరుణ్‌ శర్మ తదితరులు నటిస్తున్న ఈ సినిమా ప్రేక్షకుల ముందుకు రానుంది. బాలీవుడ్‌లోని ప్రముఖ హాస్యనటులంతా ఇందులో నటిస్తుండటం విశేషం. చిత్ర ఫస్ట్‌ లుక్‌ను దర్శకుడు రోహిత్‌ శెట్టి ఇన్‌స్టాలో మంగళవారం విడుదల చేశాడు. క్రిస్‌మస్‌ కానుకగా ఈ ఏడాది డిసెంబరు 23న విడుదల చేస్తామని చిత్రబృందం తెలిపింది. 1982లో గుల్జార్‌ దర్శకత్వంలో వచ్చిన కామెడీ క్లాసిక్‌ చిత్రం ‘అంగూర్‌’ స్ఫూర్తితో రోహిత్‌ ‘సర్కస్‌’ను తెరకెక్కిస్తున్నారు. ‘సర్కస్‌’లో ఇద్దరు రణ్‌వీర్‌లు ఉంటారని ఫస్ట్‌లుక్‌తో తెలుస్తోంది. టి సిరీస్‌ సమర్పణలో రోహిత్‌ శెట్టి ఈ చిత్రాన్ని నిర్మిస్తున్నారు. ప్రస్తుతం రణ్‌వీర్‌ ‘జయేశ్‌భాయ్‌ జోర్దార్‌’ శుక్రవారం విడుదల కానుంది.