RC15: రామ్‌చరణ్‌- శంకర్‌ల మూవీ ఫొటోలు లీక్‌.. నిర్మాత ఏమన్నారంటే..!

ఇంటర్నెట్‌ డెస్క్‌: రామ్‌చరణ్‌(Ramcharan) కథానాయకుడిగా శంకర్‌(Shankar) దర్శకత్వంలో ఓ సినిమా తెరకెక్కుతున్న విషయం తెలిసిందే. ఇంకా పేరు ఖరారు కానీ ఈ సినిమాను RC15గా పిలుస్తున్నారు. దిల్‌రాజు, శిరీష్‌ సంయుక్తంగా ఈ చిత్రాన్ని నిర్మిస్తున్నారు. పాన్‌ ఇండియా చిత్రంగా రానున్న ఈ సినిమాకు ఒక కొత్త ఇబ్బంది ఎదురైనట్లు సమాచారం. ఈ చిత్రానికి సంబంధించిన కొత్త షెడ్యూల్‌ సోమవారం రాజమండ్రిలో ప్రారంభమైంది. వారం పాటు సాగే చిన్న షెడ్యూల్‌ ఇది. అందులో రామ్‌చరణ్‌ పాత్రకు సంబంధించిన ఫ్లాష్‌బ్యాక్‌ ఎపిసోడ్స్‌ చిత్రీకరిస్తున్నారు. ఈ చిత్రీకరణకు సంబంధించిన ఫొటోలు లీక్‌ అయ్యాయి. అవి నెట్టింట వైరల్‌గా మారాయి. ఈ విషయం తెలిసి నిర్మాత దిల్‌రాజు దానిపై దర్యాప్తు చేయాల్సిందిగా చిత్ర బృందాన్ని కోరారట. రామ్‌ చరణ్‌ సరసన కియారా అడ్వాణీ నటిస్తున్న ఈ సినిమాలో శ్రీకాంత్‌, అంజలి, ఎస్.జె.సూర్య, నవీన్‌ చంద్ర తదితరులు కీలక పాత్రలు పోషిస్తున్నారు.రాజకీయ నేపథ్యమున్న యాక్షన్‌ థ్రిల్లర్‌గా రానున్న ఈ సినిమాకు తమన్‌ స్వరాలందిస్తున్నారు.