సైరెన్‌ మోగేది 23న

జయం రవి, అనుపమ పరమేశర్వన్‌, కీర్తి సురేశ్‌ ప్రధాన పాత్రల్లో తెరకెక్కిన యాక్షన్‌ డ్రామా ‘సైరెన్‌’. ఆంటోని భాగ్యరాజ్‌ దర్శకత్వంలో వచ్చిన ఈ చిత్రం భావోద్వేగాల మేళవింపుతో భారీ బడ్జెట్‌తో తెరకెక్కనుంది. తెలుగులో గంగ ఎంటర్‌టైన్‌మెంట్స్‌ పతాకంపై మహేశ్వర్‌ రెడ్డి మూలి ఈ నెల 23 విడుదల చేయనున్నారు. దర్శకుడు మాట్లాడుతూ...‘ఈ చిత్రం నాకొక కలలా జరిగిపోయింది. దీన్ని ఓ బాధ్యతగా స్వీకరించారు జయం రవి. జీవీ ప్రకాశ్‌ కుమార్‌ అందించిన సంగీతం నాలో స్ఫూర్తి నింపింది’ అన్నారు. ‘భావోద్వేగాలతో కూడిన పాత్రలకు జీవీ ప్రకాశ్‌ తన సంగీతంతో ప్రాణం పోశారు. పోలీసు ఆఫీసర్‌గా నటించిన కీర్తి మా నమ్మకాన్ని నిలబెట్టింది. ఈ చిత్రంలో నేను రెండు విభిన్నమైన పాత్రలు పోషించాను. ఈ సినిమా ఆద్యంతం ఆకట్టుకుంటుందనే నమ్మకం ఉంది’ అన్నారు జయం రవి.