ఈ ఇద్దరూ సౌదీకి ప్రయాణం

షారుక్‌ఖాన్‌ ప్రస్తుతం ‘పఠాన్‌’ను పూర్తి చేసే పనిలో ఉన్నారు. దీని తర్వాత ఆయన ‘డుంకీ’ సినిమా చిత్రీకరణలో పాల్గొనడానికి సిద్ధమవుతున్నట్లు తెలుస్తోంది. ప్రముఖ దర్శకుడు రాజ్‌కుమార్‌ హిరాణీ తెరకెక్కిస్తోన్న చిత్రం ‘డుంకీ’. ఇందులో షారుక్‌, తాప్సి ప్రధాన పాత్రల్లో నటిస్తున్నారు. ఈ సినిమా చిత్రీకరణ ఓ పదిహేను రోజుల పాటు సౌదీ అరేబియాలో జరగనుంది. దీని కోసం షారుక్‌, తాప్సి సౌదీకి పయనం కానున్నారు. అక్కడి నుంచి వచ్చాకా పంజాబ్‌లో కొన్ని రోజుల పాటు షూటింగ్‌ చేయనున్నారు. ఈ సినిమాని వచ్చే ఏడాది డిసెంబరు 22న విడుదల చేయనున్నట్లు గతంలోనే ప్రకటించారు.