Guntur Kaaram: సర్రు మండుతాది బాబు కారం!

‘గుంటూరు కారం’ ఘాటుతో పసందైన దమ్‌ మసాలా బిర్యానీ వడ్డించేందుకు సిద్ధమవు  తున్నారు మహేశ్‌బాబు - త్రివిక్రమ్‌. ఈ ఇద్దరి కలయికలో రూపొందుతోన్న ఈ మాస్‌ యాక్షన్‌ చిత్రాన్ని హారిక అండ్‌ హాసిని క్రియేషన్స్‌ సంస్థ నిర్మిస్తోంది. శ్రీలీల, మీనాక్షి చౌదరి కథానాయికలు. మంగళవారం త్రివిక్రమ్‌ పుట్టినరోజు సందర్భంగా ఈ సినిమా నుంచి తొలి గీతాన్ని విడుదల చేశారు. ‘‘సర్రు మండుతాది బాబు గొడ్డు కారం.. గిర్ర తిరుగుతాది ఈడి తోటి బేరం’’ అంటూ సినిమాలో మహేశ్‌బాబు పాత్రను ఆవిష్కరిస్తూ సాగే పాటిది. ‘‘నా తలరాతే రంగుల రంగోలి. దిగులైనా చేస్తా దీవాలి. నా నవ్వుల కోటని నేనే ఎందుకు పడగొట్టాలి’’, ‘‘నేనో నిశ్శబ్దం.. అనునిత్యం నాతో నాకే యుద్ధం’’ అంటూ పాటలో వినిపించిన కొన్ని పదాలు మహేశ్‌   పాత్ర లోతుని తెలియజేస్తున్నాయి. తమన్‌ బాణీలు సమకూర్చిన ఈ గీతానికి రామజోగయ్య శాస్త్రి సాహిత్యమందించగా.. సంజిత్‌ హెగ్డే, జ్యోతి నూరన్‌ ఆలపించారు. ప్రస్తుతం చిత్రీకరణ దశలో ఉన్న ఈ సినిమా సంక్రాంతి సందర్భంగా జనవరి 12న ప్రేక్షకుల ముందుకు రానుంది. ఈ చిత్రానికి ఫైట్స్‌: రామ్‌-లక్ష్మణ్‌, కూర్పు: నవీన్‌ నూలి, ఛాయాగ్రహణం: మనోజ్‌ పరమహంస.