Mahesh Babu: మహేష్‌ చిత్రంలో ఈ సోయగం?

కొత్త  జంట కొత్త కథానాయిక శ్రీలీల (Sree Leela) అవకాశాల విషయంలో జోరు ప్రదర్శిస్తోంది. ఇప్పటికే పలు చిత్రాల్లో నటిస్తున్న ఆమె... అన్నీ కుదిరితే అగ్ర కథానాయకుడు మహేష్‌కి జోడీగా నటించనుంది. మహేష్‌బాబు (MaheshBabu) - త్రివిక్రమ్‌ (Trivikram) కలయికలో ఓ చిత్రం రూపొందుతున్న సంగతి తెలిసిందే. పూజాహెగ్డే కథానాయిక. ఎస్‌.రాధాకృష్ణ నిర్మిస్తున్నారు. ఇప్పటికే సెట్స్‌పైకి వెళ్లిన ఈ సినిమాలో మరో కథానాయికకీ చోటుందనే సంగతి ఎప్పట్నుంచో వినిపిస్తోంది. ఆ అవకాశం శ్రీలీల సొంతం అయ్యే అవకాశాలు కనిపిస్తున్నాయి. చిత్రబృందం ఆమెని సంప్రదించి చర్చలు జరుపుతోంది. ‘అతడు’, ‘ఖలేజా’ తర్వాత మహేష్‌బాబు - త్రివిక్రమ్‌ కలయికలో రూపొందుతున్న చిత్రమిది.