parada: ప్రేమ ‘పరదా’

అనుపమ పరమేశ్వరన్‌ ప్రధాన పాత్రధారిగా... ప్రవీణ్‌ కాండ్రేగుల దర్శకత్వంలో ఓ చిత్రం తెరకెక్కుతోంది. ‘సినిమా బండి’ చిత్రంతో మెప్పించిన దర్శకుడీయన. తన రెండో చిత్రంగా ఈ సినిమాని తెరకెక్కిస్తున్నారు. అనుపమతోపాటు దర్శన రాజేంద్రన్‌, సంగీత కీలక పాత్రలు పోషిస్తున్నారు. విజయ్‌ డొంకాడ, శ్రీనివాసులు.పి.వి, శ్రీధర్‌ మక్కువ నిర్మిస్తున్నారు. ఈ సినిమాకి ‘పరదా’ అనే పేరుని ఖరారు చేశారు. ఇన్‌ ది నేమ్‌ ఆఫ్‌ లవ్‌... అనే శీర్షికతో పేరు మొదలవుతుంది. శుక్రవారం ఈ సినిమా ఫస్ట్‌లుక్‌నీ, కాన్సెప్ట్‌ వీడియోనీ కథానాయిక సమంత, దర్శకనిర్మాతలు రాజ్‌, డీకే విడుదల చేశారు. దేవత విగ్రహాన్ని చూపిస్తూ మొదలయ్యే వీడియోలో మనుస్మృతిలోని శ్లోకం వినిపిస్తూ ఉంటుంది. మహిళల చుట్టూ సాగే కథతో ఈ చిత్రం రూపొందుతోందని లుక్‌ స్పష్టం చేస్తోంది. దర్శకుడు మాట్లాడుతూ ‘‘వినోదాన్ని పంచడమే కాకుండా... లోతైన భావాలతో, ఆకట్టుకునే కథనంతో ఈ చిత్రం రూపొందుతోంద’’న్నారు. నిర్మాత విజయ్‌ డొంకాడ మాట్లాడుతూ ‘‘మా సినిమా కథ మాత్రమే కాదు, ఓ అనుభవం. ప్రేక్షకుల్ని మరో ప్రపంచంలోకి తీసుకెళ్లే ప్రయాణం’’ అన్నారు.