Valari Review: రివ్యూ: వళరి.. రితికా సింగ్ నటించిన హారర్ మూవీ ఎలా ఉందంటే?
Valari Review: రితికా సింగ్ నటించిన హారర్ చిత్రం ‘వళరి’. నేరుగా ప్రముఖ ఓటీటీ ‘ఈటీవీ విన్’లో విడుదలైన ఈ సినిమా ఎలా ఉందంటే?
Valari Review; చిత్రం: వళరి; తారాగణం: రితికా సింగ్, శ్రీరామ్, ఉత్తేజ్, సుబ్బరాజు తదితరులు; సంగీతం: టీఎస్ విష్ణు; దర్శకత్వం: మ్రితికా సంతోషిణి; ఓటీటీ ప్లాట్ఫామ్: ఈటీవీ విన్.
‘గురు’ ఫేమ్ రితికా సింగ్ (Ritika Singh), శ్రీరామ్ (Sri Ram) ప్రధాన పాత్రల్లో నటించిన చిత్రం ‘వళరి’. మ్రితికా సంతోషిణి (Mritika Santhoshini) దర్శకత్వంలో రూపొందిన ఈ సినిమా నేరుగా ప్రముఖ ఓటీటీ ‘ఈటీవీ విన్’ (ETV Win)లో మార్చి 6న విడుదలైంది. మరి, ఈ మూవీ స్టోరీ ఏంటి? ఎలా ఉంది? టైటిల్ అర్థమేంటి? (Valari Review)..
కథేంటంటే?: నవీన్ నాయుడు (శ్రీరామ్) ఇండియన్ నేవీ కెప్టెన్. అతని భార్య దివ్య (రితికా సింగ్). కుమారుడు మాదన్న. బదిలీ కారణంగా నవీన్ కుటుంబం చెన్నై నుంచి కృష్ణంపట్నం (నెల్లూరు) వెళ్తుంది. కొన్ని రోజులు కృష్ణపట్నంలోని నేవీ క్వార్టర్స్లో ఉండి, తర్వాత వెంకటాపురంలోని పాత బంగ్లాకు షిప్ట్ అవుతుంది. అందులో దెయ్యాలుంటాయనే ప్రచారం గురించి తెలిసినా నవీన్ ఎందుకు ఆ భవనంలో ఉండేందుకు ఇష్టపడ్డాడు? దానికి, దివ్యకు ఉన్న సంబంధమేంటి?ఒకప్పుడు ఆ భవనంలో ఏం జరిగింది? దాని యజమానిగా రామచంద్ర (ఉత్తేజ్) ఎందుకు చలామణీ అయ్యాడు? దివ్య గతమేంటి? ఈ ప్రశ్నలన్నింటికీ సమాధానం సినిమా చూసి తెలుసుకోవాల్సిందే (Valari Review in Telugu).
ఎలా ఉందంటే?: తప్పు చేస్తే ఏదో విధంగా తప్పక శిక్ష అనుభవించాల్సిందేనన్న అంశాన్ని తనదైన శైలిలో చూపించే ప్రయత్నం చేశారు దర్శకురాలు. ప్రస్తుత సమాజంలో నెలకొన్న ఓ సమస్య ఇతివృత్తంగా రాసుకున్న కథకు హారర్ టచ్ ఇచ్చారు. ఆలోచన బాగున్నా కొంతవరకే దాన్ని ప్రభావవంతంగా చూపించగలిగారు. ఓ చిన్నారి ముగ్గురు వ్యక్తులను హత్య చేసిన సీన్తో సినిమా ప్రారంభమవుతుంది. ఆ పాప అలా ఎందుకు చేయాల్సి వచ్చింది? నిజంగా తనే చేసిందా? దాని వెనుక మరో కోణం ఉందా? అనే ఉత్కంఠ వీడకముందే మరో స్టోరీ ప్రేక్షకుల ముందుకొస్తుంది. కథలోకి వెళ్లేకొద్దీ ఆడియన్స్ ప్రశ్నకు సమాధానం లభిస్తుంది. నవీన్ కుటుంబ పరిచయానికి అధిక సమయం తీసుకున్నారు. కెప్టెన్ ఫ్యామిలీ బదిలీపై కృష్ణపట్నం వెళ్లడం, తర్వాత వెంకటాపురానికి మారడం నుంచి కాస్త ఆసక్తి కలుగుతుంది. కానీ, భయపెట్టే ఘటనలైతే ఉండవు. ఆ బంగ్లా వివరాలు సేకరించే క్రమంలో దివ్యకు వళరి దొరకడం, దాని కారణంగా ఆమె రోడ్డు ప్రమాదానికి గురవడంతో కథ మలుపు తిరుగుతుంది. సైక్రియార్టిస్ట్ రుద్ర (సుబ్బరాజు) పాత్ర ఇక్కడ కీలకంగా వ్యవహరిస్తుంది (Valari Review).
ద్వితీయార్ధంలో దివ్య ఫ్లాష్బ్యాక్ను హైలైట్ చేశారు. దివ్య తల్లిగా రితికానే నటించడం విశేషం. మహిళలు.. మగవారికి ఏమాత్రం తీసిపోరని చాటిచెప్పే ఆ పాత్రను తీర్చిదిద్దిన విధానం ఆకట్టుకుంటుంది. ఆ క్రమంలో వచ్చే కర్రసాము ఎపిసోడ్ ప్రధాన ఆకర్షణ. అక్కడే రామచంద్ర నిజ స్వరూపం కూడా బయటపడుతుంది. దీంతో, గతం తెలిసిన దివ్య.. రామచంద్రను ఏం చేస్తుందోనన్నది ఊహించొచ్చు. చిన్నారుల పాత్రలకు మాదన్న, అక్కన్న (ఫ్లాష్బ్యాక్లో వచ్చే ఓ పాత్ర) పేర్లు పెట్టడం, వళరితోపాటు ప్రసాదిని, ప్రత్యేక ఐరన్ లాకర్.. ఇలా మన మూలాల గురించి ఈ తరం వారు తెలుసుకునేలా ఆసక్తి క్రియేట్ చేయడంలో దర్శకురాలికి మంచి మార్కులు పడతాయి. కానీ, రివెంజ్ స్టోరీకి హారర్ హంగులు అతకలేదు. ఇంతకీ వళరి అంటే ఓ ఆయుధం. తమిళనాడులో ఎక్కువగా వినియోగించేవారు (Valari Review).
ఎవరెలా చేశారంటే?: రెండు విభిన్న పాత్రల్లో రితికా సింగ్ ఒదిగిపోయారు. ముఖ్యంగా ఫ్లాష్బ్యాక్ ఎపిసోడ్లో బాగా ఆకట్టుకుంటారు. నేవీ కెప్టెన్ నవీన్ నాయుడుగా శ్రీరామ్ సెటిల్డ్గా నటించారు. వ్యక్తిగత జీవితంలో మంచి భర్త, తండ్రిగా మెప్పించారు. రెండు పార్శ్వాలున్న రామచంద్ర క్యారెక్టర్కు ఉత్తేజ్ తగిన న్యాయం చేశారు. రుద్రగా సుబ్బరాజు, మాదన్న పాత్రధారి తదితరులు పరిధి మేరకు నటించారు. సాంకేతికంగా సినిమా బాగుంది. సినిమాటోగ్రఫీ, నేపథ్య సంగీతం ప్రధాన పాత్ర పోషించాయి. సినిమా నిడివి రెండు గంటలే ఉన్నా ఇంకాస్త ఎడిటింగ్ చేస్తే బాగుండేది. ‘నోట్లోకి ఏం వెళ్తున్నాయే (ఆహారం) కాదు.. నోటి నుంచి ఏం బయటకు వస్తున్నాయో (మాటలు) అది ముఖ్యం’, ‘నిజమంటే వినేది కాదు చూసేది’ వంటి సంభాషణలు ఆలోచింపజేస్తాయి. ‘వానం’ (వేదం తమిళ రీమేక్) సినిమాకు అసిస్టెంట్ డైరెక్టర్గా పనిచేసిన మ్రితికా సంతోషిణి దర్శకత్వం వహించిన తొలి సినిమా ఇది(Valari Review).
ఫ్యామిలీతో కలిసి చూడొచ్చా?: కుటుంబమంతా కలిసి చూడొచ్చు. భయభ్రాంతులకు గురిచేసే ఘటనలు, హింసాత్మక సన్నివేశాలు, అసభ్య పదజాలం.. ఇలాంటివేవీ ఇందులో లేవు. పైగా చక్కని సందేశం ఉంది.
- బలాలు
- + రితికా సింగ్, శ్రీరామ్ నటన
- + సాంకేతిక బృంద పనితీరు
- బలహీనతలు
- - కథనం
- - అక్కడక్కడా సాగదీతగా సన్నివేశాలు
- చివరిగా: ‘వళరి’.. మరో రివెంజ్ స్టోరీ! (Valari Review).
- గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది? -
రివ్యూ: కీచురాళ్ళు.. మలయాళ థ్రిల్లర్ తెలుగు ప్రేక్షకులను మెప్పించిందా?
మలయాళంలో విజయవంతమైన ‘కీడమ్’ సినిమా ఓటీటీ ‘ఈటీవీ విన్’లో ‘కీచురాళ్ళుగా’ స్ట్రీమింగ్ అవుతోంది. ఎలా ఉందంటే?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
ఆక్స్ఫర్డ్ యూనివర్శిటీ ఛాన్సలర్ పదవికి ఇమ్రాన్ ఖాన్ పోటీ!
-
ఈనాడు.నెట్లో టాప్ 10 వార్తలు @ 9 PM
-
కొత్త హెడ్కోచ్గా ఆర్సీబీ మాజీ బ్యాటర్..! పంజాబ్ తలరాత మారేనా?
-
ఆమెకు క్యాబ్ ఖర్చే ₹16 వేలట.. మరి కారే కొనుక్కోవచ్చుగా..!
-
నేను సినిమాలు చేస్తూనే ఉంటా.. మీ పని మీరు చేయండి: విశాల్ పోస్ట్
-
ఏపీలో ఎమ్మెల్సీ ఎన్నికల ఓటరు నమోదుకు ఈసీ ప్రకటన