Gaami review: విశ్వక్సేన్ నటించిన ‘గామి’ ఎలా ఉందంటే..!
అఘోరాగా విశ్వక్సేన్ నటించిన చిత్రం ‘గామి’. మరి ఈ పాత్రలో విశ్వక్ భయపెట్టాడో.. లేదో తెలుసుకుందాం.
Gaami movie review: చిత్రం: గామి, నటీనటులు: విశ్వక్ సేన్, చాందిని చౌదరి, అభినయ, హారిక, దయానంద్ రెడ్డి, మహమ్మద్ సమద్, శాంతి రావు, మయాంక్ పరాక్, శ్రీధర్ తదితరులు.. కూర్పు: రాఘవేంద్ర, సంగీతం: స్వీకర్ అగస్తీ, నరేష్ కుమారన్, ఛాయాగ్రహణం: విశ్వనాథ్ రెడ్డి, రాంపీ, రచన, దర్శకత్వం: విద్యాధర్ కాగిత, నిర్మాత: కార్తీక్ శబరీష్, విడుదల తేదీ: 08-03-2024
ఈ మహా శివరాత్రికి బాక్సాఫీస్ బరిలో సందడంతా చిన్న బడ్జెట్ చిత్రాలదే. వాటిలో అందరి దృష్టి ఆకర్షిస్తున్న సినిమాల్లో ‘గామి’(Gaami) ఒకటి. విశ్వక్ సేన్ (vishwak sen) హీరోగా తొలి అడుగులు వేస్తున్న సమయంలో అంగీకరించిన చిత్రమిది. గత కొన్నేళ్లుగా చిత్రీకరణ దశలోనే ఉన్న ఈ సినిమా ఎట్టకేలకు తెరపైకి వచ్చింది. మరి ఈ ‘గామి’ కథేంటి? థియేటర్లో ప్రేక్షకులకు ఎలాంటి అనుభూతి అందించింది?
కథేంటంటే: శంకర్ (విశ్వక్ సేన్) ఓ అఘోరా. తనెవరు.. గతమేంటి.. ఎక్కడి నుంచి వచ్చాడు.. ఈ జ్ఞాపకాలేం అతడికి గుర్తుండవు. పైగా మానవ స్పర్శను తట్టుకోలేని ఓ అరుదైన వ్యాధితో బాధపడుతుంటాడు. దీంతో తోటి అఘోరాలంతా తనని శాపగ్రస్థుడుగా భావించి... ఆశ్రమం నుంచి వెలివేస్తారు. ఈ క్రమంలో తనని తాను తెలుసుకునేందుకు అన్వేషణ మొదలు పెడతాడు. తన సమస్యకు పరిష్కారం హిమాలయాల్లోని ద్రోణగిరి పర్వత శ్రేణుల్లో 36 ఏళ్లకు ఒకసారి వికసించే మాలిపత్రాల్లో ఉందని ఓ స్వామీజీ ద్వారా తెలుసుకుంటాడు. అక్కడికి చేరుకోవాలంటే.. ఎన్నో ప్రమాదాలను దాటుకుని వెళ్లాలి. వాటన్నింటినీ లెక్క చేయకుండా డాక్టర్ జాహ్నవి (చాందిని చౌదరి)తో కలిసి అక్కడికి బయలుదేరుతాడు శంకర్. ఆ తర్వాత ఏమైంది? మాలిపత్రాలు సాధించే క్రమంలో అతనికి ఎదురైన సవాళ్లేంటి? దేవదాసి దుర్గ (అభినయ) కూతురు ఉమ (హారిక), సీటీ333 (మహమ్మద్)ల జ్ఞాపకాలు.. అతడికి ఎందుకు వెంటాడుతుంటాయి? వాళ్లతో అతనికి ఉన్న సంబంధం ఏంటి? తదితర విషయాలను తెరపై చూసి తెలుసుకోవాలి (Gaami movie review).
ఎలా సాగిందంటే: ‘కొత్తదనం నిండిన కథలు చూడాలనుకునే ప్రేక్షకులకు ఈ సినిమా మంచి సంతృప్తినిస్తుంది’.. అని ఇటీవల ప్రచార కార్యక్రమాల్లో విశ్వక్ చెప్పిన మాటలివి. తెరపై సినిమా చూస్తున్నంత సేపు నిజంగా ప్రేక్షకులకు అదే అనుభూతి కలుగుతుంది. దర్శకుడు కథను ఆరంభించిన తీరు.. దాన్ని మూడు జీవిత కథలుగా సమాంతరంగా చూపిస్తూ ఆసక్తికరంగా ముందుకు తీసుకెళ్లిన విధానం.. ఆఖర్లో వాటన్నింటినీ ఒకదానితో ఒకటి ముడిపెట్టిన పద్ధతి.. ఆశ్చర్యపరిచేలా చేస్తుంది. ముగింపు సన్నివేశాలను చూసినప్పుడు కచ్చితంగా ‘కేరాఫ్ కంచరపాలెం’ గుర్తుకు వస్తుంది.
శంకర్గా విశ్వక్ను పరిచయం చేస్తూ సినిమాను ఆరంభించిన తీరు ఆసక్తికరంగా ఉంటుంది. తోటి అఘోరాలంతా తనపై దాడికి ప్రయత్నించడం.. ఈ క్రమంలో వచ్చే కుస్తీ పోటీ.. దాంట్లో తలపడే క్రమంలో మానవ స్పర్శ తగిలినప్పుడు తన శరీరంలో వచ్చే మార్పులు.. ఇవన్నీ శంకర్ గతంపై ఆసక్తి కలిగించేలా చేస్తాయి. ఆ వెంటనే దేవదాసి దుర్గ కథ తెరపైకి వస్తుంది. ఈ ఎపిసోడ్లో దేవదాసి వ్యవస్థను చూపించిన తీరు కూడా మెప్పిస్తుంది. దుర్గ కూతురు ఉమ కథే ఈ చిత్రానికి మూలం. వీళ్ల జీవితాల్లోని సంఘర్షణ కూడా ప్రేక్షకుల మదిని బలంగా తాకుతుంది. ఇక మనుషులపై జరిగే అక్రమ వైద్య ప్రయోగాల నేపథ్యంలో వచ్చే కథ కూడా ఉత్కంఠభరితంగానే ఉంటుంది. సీటీ 333పై జరిగే ప్రయోగాలు.. అతడిని బంధించి ఉంచిన ప్రపంచం.. అక్కడి నుంచి పారిపోవడానికి చేసే ప్రయత్నాలు థ్రిల్లింగ్గా ఉంటాయి. ద్రోణగిరి పర్వత శ్రేణులకు చేరుకునే క్రమంలో శంకర్ - జాహ్నవి చేసే సాహసోపేతమైన ప్రయాణం ఆకట్టుకుంటుంది. విరామ సన్నివేశాలు ద్వితీయార్ధంపై అంచనాలు పెంచుతాయి. ఆ తర్వాత కథ పెద్దగా ముందుకు సాగనట్లు అనిపిస్తుంది. ఉమను బలవంతంగా దేవదాసిగా మార్చేందుకు ఊరి సర్పంచ్ వేసే ఎత్తుగడ.. ఈ క్రమంలో తప్పించుకునేందుకు ఆ పాప చేసే ప్రయత్నాలు బాగుంటాయి. ముఖ్యంగా క్లైమాక్స్లో వచ్చే సింహం సీక్వెన్స్ ఆకట్టుకుంటుంది.
ఎవరెలా చేశారంటే: అఘోరా పాత్రలో విశ్వక్ ఒదిగిపోయారు. భావోద్వేగ సన్నివేశాల్లో చక్కటి నటన కనబరిచారు. సీటీ333 పాత్రలో మహమ్మద్, ఉమ పాత్రలో హారిక నటన కూడా ప్రేక్షకుల్ని కట్టిపడేస్తుంది. జాహ్నవి పాత్ర కోసం చాందిని పడిన కష్టం తెరపై కనిపిస్తుంది. దేవదాసిగా దుర్గ పాత్రలో అభినయ నటన మనసుల్ని హత్తుకుంటుంది. దర్శకుడు ఈ కథను తీర్చిదిద్దిన తీరు.. తెరపైకి తీసుకొచ్చిన విధానం బాగుంది. అయితే.. కథలోని కొన్ని అంశాలు లాజిక్కు దూరంగా ఉంటాయి. మనుషులపై జరుగుతున్న అక్రమ వైద్య పరిశోధనల నేపథ్యంలో వచ్చే కొన్ని ఎపిసోడ్స్ ఏమాత్రం అర్థం కావు. విశ్వనాథ్ తన ఛాయాగ్రహణంతో సినిమాకు ప్రాణం పోశారు. నరేష్ కుమారన్ నేపథ్య సంగీతం ఈ చిత్రానికి మరో ఆకర్షణ. ‘‘శివమ్’’ పాటను చూపించిన తీరు బాగుంది. పరిమిత బడ్జెట్లోనే మంచి గ్రాఫిక్స్ వర్క్ను చూపించారు. నిర్మాణ విలువలు ఉన్నతంగా ఉన్నాయి.
బలాలు:
+ కథ, స్క్రీన్ప్లే
+ విశ్వక్ నటన
+ విజువల్ ఎఫెక్ట్స్, విరామ.. పతాక సన్నివేశాలు
బలహీనతలు:
- నెమ్మదిగా సాగే కథనం
- లాజిక్ లేని కొన్ని సీన్స్
చివరిగా: ‘గామి’.. కనువిందు చేసే భిన్నమైన ప్రయత్నం!
గమనిక: ఈ సమీక్ష సమీక్షకుడి దృష్టి కోణానికి సంబంధించింది. ఇది సమీక్షకుడి వ్యక్తిగత అభిప్రాయం మాత్రమే!
Trending
గమనిక: ఈనాడు.నెట్లో కనిపించే వ్యాపార ప్రకటనలు వివిధ దేశాల్లోని వ్యాపారస్తులు, సంస్థల నుంచి వస్తాయి. కొన్ని ప్రకటనలు పాఠకుల అభిరుచిననుసరించి కృత్రిమ మేధస్సుతో పంపబడతాయి. పాఠకులు తగిన జాగ్రత్త వహించి, ఉత్పత్తులు లేదా సేవల గురించి సముచిత విచారణ చేసి కొనుగోలు చేయాలి. ఆయా ఉత్పత్తులు / సేవల నాణ్యత లేదా లోపాలకు ఈనాడు యాజమాన్యం బాధ్యత వహించదు. ఈ విషయంలో ఉత్తర ప్రత్యుత్తరాలకి తావు లేదు.
మరిన్ని
-
రివ్యూ: ‘రాయన్’.. ధనుష్ 50వ చిత్రం ప్రేక్షకులను మెప్పించిందా?
ధనుష్ స్వీయ దర్శకత్వంలో రూపొందిన యాక్షన్ థ్రిల్లర్ ‘రాయన్’ ఎలా ఉంది? తెలుగు ప్రేక్షకులను అలరించిందా? -
రివ్యూ: పురుషోత్తముడు.. రాజ్తరుణ్ ఖాతాలో హిట్ పడిందా?
రాజ్తరుణ్ కథానాయకుడిగా రామ్ భీమన దర్శకత్వంలో రూపొందిన ‘పురుషోత్తముడు’ మూవీ ప్రేక్షకులను అలరించిందా? -
రివ్యూ: బహిష్కరణ.. అంజలి వేశ్యగా నటించిన వెబ్సిరీస్ ఎలా ఉందంటే?
హీరోయిన్ అంజలి, శ్రీతేజ ప్రధాన పాత్రల్లో రూపొందిన వెబ్సిరీస్ ‘బహిష్కరణ’. ‘జీ 5’లో స్ట్రీమింగ్ అవుతున్న ఈ సిరీస్ రివ్యూ మీకోసం.. -
రివ్యూ: బ్యాడ్ న్యూజ్.. విక్కీ కౌశల్, త్రిప్తి దిమ్రీ మూవీ అలరించిందా?
Bad Newz movie review: విక్కీ కౌశల్, త్రిప్తి దిమ్రీ కీలక పాత్రల్లో నటించిన రొమాంటిక్ ఎంటర్టైన్ ఎలా ఉంది? -
రివ్యూ: డార్లింగ్.. ప్రియదర్శి, నభానటేష్ల కామెడీ ఎంటర్టైనర్ మెప్పించిందా?
ప్రియదర్శి, నభానటేష్ జంటగా నటించిన రొమాంటిక్, కామెడీ ఎంటర్టైనర్ ఎలా ఉందంటే? -
రివ్యూ: భారతీయుడు2.. కమల్, శంకర్ కాంబో మరోసారి హిట్ అయిందా?
indian 2 review: కమల్హాసన్, సిద్ధార్థ్, రకుల్ కీలక పాత్రల్లో శంకర్ దర్శకత్వంలో రూపొందిన ‘భారతీయుడు2’ తెలుగు ప్రేక్షకులను మెప్పించిందా? -
రివ్యూ: ధూమం.. ఫహద్ ఫాజిల్ నటించిన థ్రిల్లర్ ఎలా ఉంది?
ఫహద్ ఫాజిల్, అపర్ణా బాలమురళి కీలక పాత్రల్లో నటించిన ‘ధూమం’ ఎలా ఉంది? తెలుగు ప్రేక్షకులకు నచ్చుతుందా? -
రివ్యూ: శశి మథనం.. ప్రేమికుడు ఎరక్కపోయి ఇరుక్కుంటే?
సోనియా సింగ్, పవన్ సిద్ధు నటించిన వెబ్సిరీస్ ఎలా ఉందంటే! -
రివ్యూ: వెబ్సిరీస్: మీర్జాపూర్ సీజన్-3.. క్రైమ్, యాక్షన్ సిరీస్-3 మెప్పించిందా?
Mirzapur Season 3 Review: యువతను విశేషంగా ఆకట్టుకున్న సిరీస్ల్లో మీర్జాపూర్ ఒకటి. ఇప్పుడు మూడో సీజన్ స్ట్రీమింగ్ అవుతోంది. -
రివ్యూ: ‘గురువాయూర్ అంబలనాదయిల్’.. మలయాళ బ్లాక్ బస్టర్ ఎలా ఉంది?
Guruvayoor Ambalanadayil Review: పృథ్వీరాజ్ సుకుమార్, బసిల్ జోసెఫ్ కీలక పాత్రల్లో విపిన్ దాస్ దర్శకత్వం వహించిన ‘గురువాయూర్ అంబలనాదయిల్’ ఎలా ఉందంటే? -
రివ్యూ: ‘కల్కి 2898 ఏడీ’.. ప్రభాస్ సైన్స్ ఫిక్షన్ మూవీ ఎలా ఉంది?
kalki 2898 ad review in telugu: ప్రభాస్ కథానాయకుడిగా నాగ్ అశ్విన్ దర్శకత్వంలో వచ్చిన ఎపిక్ సైన్స్ ఫిక్షన్ యాక్షన్ మూవీ ప్రేక్షకులను మెప్పించిందా? -
రివ్యూ: యక్షిణి.. సోషియో ఫాంటసీ వెబ్సిరీస్ ఎలా ఉంది?
Yakshini review in telugu: వేదిక, రాహుల్ విజయ్, మంచు లక్ష్మీ, అజయ్ కీలక పాత్రల్లో నటించిన ‘యక్షిణి’ వెబ్సిరీస్ ఎలా ఉందంటే? -
రివ్యూ: పరువు.. నివేదా పేతురాజ్ నటించిన వెబ్సిరీస్ ఎలా ఉందంటే?
హీరోయిన్ నివేదా పేతురాజ్ (Nivetha Pethuraj), నటుడు నరేశ్ అగస్త్య (Naresh Agastya), నాగబాబు (Nagababu) ప్రధాన పాత్రల్లో రూపొందిన వెబ్సిరీస్ ‘పరువు’ (paruvu). ‘జీ 5’లో విడుదలైన ఈ సిరీస్ రివ్యూ మీకోసం.. -
రివ్యూ: హరోం హర.. సుధీర్బాబు ఖాతాలో హిట్ పడిందా?
సుధీర్బాబు, మాళవిక శర్మ, సునీల్ కీలక పాత్రల్లో నటించిన ‘హరోం హర’ మూవీ ప్రేక్షకులను మెప్పించిందా? -
రివ్యూ: మహారాజ.. విజయ్ సేతుపతి 50వ మూవీ మెప్పించిందా?
Maharaja Review: వైవిధ్యమైన పాత్రలతో అలరిస్తున్న విజయ్సేతుపతి కెరీర్లో 50వ చిత్రం ‘మహారాజ’. తాజాగా ప్రేక్షకుల ముందుకు వచ్చిన ఈ సినిమా ఎలా ఉంది? ఏ మేరకు మెప్పించింది? -
రివ్యూ: మిరల్.. ‘ప్రేమిస్తే’ భరత్ నటించిన చిత్రం భయపెట్టిందా?
ప్రేమిస్తే సినిమా హీరో భరత్ నటించిన హారర్ థ్రిల్లర్ మూవీ ‘మిరల్’. ఓటీటీ ‘ఆహా’లో స్ట్రీమింగ్ అవుతోంది. రివ్యూ మీకోసం.. -
రివ్యూ: కల్కి.. టొవినో థామస్ యాక్షన్ ఫిల్మ్ ఎలా ఉంది?
మలయాళంలో మంచి టాక్ సొంతం చేసుకున్న టొవినో థామస్ యాక్షన్ ఫిల్మ్ ‘కల్కి’ మెప్పించిందా? -
రివ్యూ: మనమే.. శర్వానంద్, కృతిశెట్టిల మూవీ ఎలా ఉంది?
Manamey Movie Review: శర్వానంద్, కృతిశెట్టి జంటగా, శ్రీరామ్ ఆదిత్య దర్శకత్వంలో ఫ్యామిలీ రొమాంటిక్ డ్రామా మెప్పించిందా? -
రివ్యూ: సత్యభామ.. కాజల్ క్రైమ్ థ్రిల్లర్ మూవీ టాక్ ఏంటి?
కాజల్ ప్రధాన పాత్రలో సుమన్ చిక్కాల దర్శకత్వంలో వచ్చిన క్రైమ్, యాక్షన్ థ్రిల్లర్ మూవీ మెప్పించిందా? -
రివ్యూ: మిస్టర్ అండ్ మిసెస్ మహి: జాన్వీకపూర్ స్పోర్ట్స్ డ్రామా మెప్పించిందా?
Mr And Mrs Mahi Review: రాజ్కుమార్ రావ్, జాన్వీ కపూర్ జంటగా శరణ్ శర్మ తెరకెక్కించిన స్పోర్ట్స్ డ్రామా ఎలా ఉంది? -
రివ్యూ: కీచురాళ్ళు.. మలయాళ థ్రిల్లర్ తెలుగు ప్రేక్షకులను మెప్పించిందా?
మలయాళంలో విజయవంతమైన ‘కీడమ్’ సినిమా ఓటీటీ ‘ఈటీవీ విన్’లో ‘కీచురాళ్ళుగా’ స్ట్రీమింగ్ అవుతోంది. ఎలా ఉందంటే?
![ap-districts](https://assets.eenadu.net/_assets/_images/ap-districts.jpg)
![ts-districts](https://assets.eenadu.net/_assets/_images/ts-districts.jpg)
తాజా వార్తలు (Latest News)
-
పెద్దగా మార్పు ఉండదు.. అది మాత్రమే తేడా: శుభ్మన్ గిల్
-
ఇటలీలో పూజాహెగ్డే.. జిమ్లో రకుల్ప్రీత్.. సంయుక్త స్మైలీ సెల్ఫీ!
-
కాంగ్రెస్ పార్టీ ద్వంద్వ విధానం బయటపడింది: హరీశ్రావు
-
గాజాకు పోలియో ముప్పు..! మురుగునీటిలో వైరస్ అవశేషాలు
-
ఆ 36 మంది వివరాలు ఎందుకు ఇవ్వట్లేదు జగన్?: హోంమంత్రి అనిత
-
ఐఫోన్ ప్రియులకు గుడ్న్యూస్.. ధరలు తగ్గించిన యాపిల్